عشرين صفر ورجوع السبايا على لسان الحوراء زينب(عليه السلام) هاي أنوارك=هاي أنوارك تسطع ياخويه إلزوارك جيتك ياخويه هاليوم=يم گبرك ضلينه نحوم فگدك خله بگلبي هموم=معلوم إلضيفك معلوم تفرش له ياخويه دارك مسبية جيتك بأيتامي= إگعد بشكي لك آلامي راحت مني أحلى أيامي=لا والي عندي ولاحامي إشلون أگدر أحمي صغارك وين إلي تكفل بضعوني=ليوث الحرايب يرعوني كنت العزيزة وضيعوني=اعتب وأشكي ومتسمعوني مدفونة تمنيت جوارك ودونه الكوفة ودونه=بشتم وشماته آدونه وبنك علي يدير عيونه=إمگيد اويطلب العونه وارث إعلومك وأسرارك بعد الكوفة رحنة الشام=عندهم ابرك الأيام بعد الخدر صرت أنضام=مادام العزلي مادام راحت هلي وكل أنصارك ويزيد الظالم يتشفه= يضرب ابعوده اعلى لشفه كسر أسنانك ياوسفه=هذا الموضع جدي يرشفه هاي أخباري وين أخبارك بعد أغياب وطول إفراگ=لزيارتك قلبي إشتاگ يالگاصد أرض لعراق=وصل سلامي بأشواگ فاز اليندفن بجوارك