عرس جاسم اليوم أصبح عزية
واگف لحسين إبلا ناصر وحيران
إمن العطش چبده شبت نيران
وحول إخيامه طوگت العدوان=ينادي وين يارجال الحمية
إجا الجسام يترخص من عمه
ماهو خايف مشرق وجهه إبسمه
يگله الموت عندي أكبر نعمه=يحلالي الموت لجلك ياشفية
بچى لحسين وظم جاسم إلصدره
گال الولد أدري إبگصر عمره
إذكرني إبعمر أمي الزهره=معرس أريدك بأرض الغاضرية
گومي يازينب لبسي بدر الشبان
زينوا الخيمه وخلوا الولد فرحان
ليكون إلباسه يشبه ثوب الأكفان=إلى المسموم باأدي الوصية
گوموا إنزفه ياشيعه بالمشموم
إبماي الورد نجلي هم المهموم
ماظنينه عرسه يكون إبهاليوم=بنبارك له وبنقدم هديه
حمل جاسم ينصر عمه لحسين
عاف العرس وأخره إليوم الدين
إبدم راسه خضب راح الچفين=من صابه السيف طاح إعلى الوطية
عــــدد الأبـيـات
6
عدد المشاهدات
2249
تاريخ الإضافة
04/03/2010
وقـــت الإضــافــة
5:00 مساءً