عـباس راعـي الـمرجله وحـامي الـظعينه         فـت الـعطش چبـد الطفل ومهجة سكينه

جـــت الـربـاب ام الـطـفل يــم الـعـقيله         وتــصـيـح يــازيـنـب بــعـد مگدر أشـيـلـه
مـحـد مـثـيله فــي الـعـطش مـحد مـثيله         مگدر يـزيـنـب هـالـطـفل أســمـع ونـيـنه

إتـقـبلين يـابـنت الـوصـي تـهـلك حـرمكم         بـالـرحـمه الله خـصـكم والـزهـره أمـكـم
ويـموت عـندي هـالطفل تـرضى شـيمكم         دالـع الـسانه مـن الـعطش وشـابح بـعينه

شـالـت الـحـوره الـطـفل ولـلأخـو طـبت         وصـبـت عـليه مـن الـعتب والـلوم صـبت
ابـحـق الأخــوه يـا گمـر وحگ الـلي ربـت         لـلـطـفل گطـــرة مــاي ولــلأم الـحـزينه

صـاح بـغضب يـابنت عـلي سـري وبشري         يختي لروح المشرعه وجودي على ظهري
والگوم تـــدري بـحـيدره وبـشـبله تــدري         لـحـصد جـماجم وافـني هـالزمره الـلعينه

هـيهات يـدخل بـنت عـلي إبگلـبج الخوف         تـدرين بـي يـوم الـوغى فـني بـهالسيوف
بـس طـلبي الله يـالإخت تسلم هالچفوف         وبــيـدي لــرجـع مـحـمـلچ أرض الـمـدينه

طـب لـلأخو وهـو مـبتسم يطلب الرخصه         ونــادى يـبـن مَــن مـولده بـالكعبه خـصه
أسـتـأذنـك يــبـن الـطـهر وبگلـبـي غـصـه         نـروي الـطفل إمـن الـعطش واجب علينا

گلــــه يــخـويـه ام الــولـد ويـــه ولــدهَـا         مــحـد إلـيـهـم بـالـخـيم وانـــت سـنـدهـا
يــم الـشـريعه لـو طـحت شـيظل عـندها         يـحـمـي حـمـانـا ويـمـنـع الـيـزحف الـيـنا

طـب لـلحريبه وحـاطته الـفرسان والخيل         هـمـه الـشريعه ومـبتسم وبـسيفه الـويل
ثـار الـعجاج ومـال الـزمان الـظلمة الليل         لــكـن يـوسـفـه الـسـهـم صــابـه بـعـيـنه

تـحـير أبــو الـشـيمه وضـل بـنفسه يـجود         وهـمـه يـحـافظ عـالـعلم والـماي بـالجود
والـدرب بـينه وبـين اخـوه حسين مسدود         لـــن الـعـمد بـالـراس شگ غــرة جـبـينه

جـــاه الـشـهـيد ومـدمـعه بـالـخد يـجـري         شـافه إچفـوفه امگطـعه والـراس مفري
اعـداي شـمتت مـن بـعد مـنكسر ظـهري         ابــعـث ســلامـي لـلـنـبي وحــيـدر أبـونـا