جينا كربلا نبارك=عرس ابن الحسن جاسم ونهني ابو الاكبر=ونصافح گمر هاشم لگينا سيوف ويا رماح وسمعنا بالخيم لصياح سألنا وين معرسكم=گالوا عالترب نايم سمعنا بكربلا زفة=جينا نشارك المظلوم وجبنا وروود وياشموع=وهم جبنا بعد مشموم تجمعنا الى الجلوة=لأجل الشاب المهموم نادينا على عمومه يحضرو كل هله و گومة لكن ماحد جاوبنا=ودمعة على الوجن ساجم ما شفنا احد يمه=ولا واحد من اخوانه بس نسوان حوله اتدور=وعليه ملمتة عدوانه وحدة اتقبل إبخذه=واحده اتفصل اكفانه وبت عمه مهبطه الراس تنادي بعمه العباس وينك لينا ما تحضر=اجت اتبارك الوادم عاينه الغريب حسين=يضم الولد الصدره يگله ادري بعمرك=شبيه ابأمي الزهرة لكن عندي وصية=ابومحمد وجب امره اريدك معرس ابهاليوم وازفك بين هذا الگوم يا اختي گومي نتعاون=ونعلگ شمعة الجاسم جابت للولد لثياب=ودمع العين يتحدر وعجنت بالحزن حنة=وماي الجفن بيه اكثر ورملة على الولد طبت=تشمه ابموضع المنحر يفجعني صغر سنك وماظنيت ولاظنك تزفك بالحرب لسيوف=خليت الفكر هايم جينا كربلا نبارك=عرس ابن الحسن جاسم ونهني ابو الاكبر=ونصافح گمر هاشم لگينا سيوف ويا رماح وسمعنا بالخيم لصياح سألنا وين معرسكم=گالوا عالترب نايم گال الهم انا عرسي=اجلته الى الآخر وآخر ساعة وياكم=العمر مني صبح گاصر شلون اتزوج وعمي=واگف وگفة الحاير ابلا ناصر وليه إمعين لجلي يصفك الچفين ولينصر ابو السجاد=بالمحشر هو الغانم طلع للحومة متبسم=شاهر سيفه بيمينه متوكل على الباري=ودعاء الوالده يعينه جاه الصارم براسه=وسال الدم على عينه نادى وابضعيف الصوت ياعمي ادركني گبل الموت شاله وللخيم سدر=وآمر ينصبوا الماتم جابه إلخيمة الصرعى=والجاسم يجر ونات رمله جت إليه تسأل=إبني حي بعد لو مات من شفته لبس أكفان=گمت بالحال إلى الشمعات طفيت الشمع بيدي گلت ميعود إلي وليدي كفو ونعمين يالمحروم=بيضت وجهي عند فاطم