ويلي عليك يا مظلوم         ياللي تجرعت لسموم

بـاستشهاد امام الحق         عـلـيه الـكـون اتـغـير
دمـعنه ترجم الاحزان         وقـلوب احبابه تتفطر
يـالناشر عـلم واحكام         احـنه بـفضلك نـتطور
يـسألونه عن التوضيح         قـلنا الصادق المصدر
چم مـن عـالم اتخرج         مـن حـوزاتك يـاجعفر
يـتاج الـشرف الـعالم         مـن نـور الـنبي تـنور
خـزانـة عـلـم لـلباري         نـاخـذ مـنـها ونـتعطر
ودايـم بـالحزن نـصبح         وصـفو الـعيش يتكدر
لـمن نـذكر الـمظلوم         جــدك واقــف مـحير
حـامـل بـيده لـمگمط         يـنظر حـاله ويـتحسر
دالــع يـابـس لـسـانه         ابچى العدى هالمنظر
ووگوفـه على الشبان         أولـهـم عـلـي الأكـبـر
ومـعرس كربله شاله         مـحني الظهر مايگدر
عـاين چبدة المسموم         وشاف الجاسم مطبر
اشگد گلــبـه يـتـحمل         ويـعـلم ضـيعة الـخدر