جـــــاســــم فـــــــــي ثـــبـــاتـــه         قـــــــــــــــدّم تـــضـــحـــيـــاتـــه



جاسم بالخيمة ظل مكسور الخاطر         يـنظر عـمه حـاير ظـل مـاله نـاصر
كـلما يـطلب رخـصة مـنّه مـا يـقبل         والـعم مـا يگدر يـفگد بـدره الـزاهر

واتـذكر جـاسم وعـوده امـن الـوالد         گلّــــه افـتـحـها لـــو هــمّـك زايـــد
جـاسـم هـالـلحظة بـهـمومه يـناشد         مــنــيـة دلالــــه لـلـنـصـرة رايــــد

مـن فلل عوده وصد خط بيه وختمه         بـالـدمعه اسـتـعبر بـس اتـبدد هـمه
مـن شـاف ارسـالة بالأحزان اتكلمه         وتـوصـيه إنّــه بـالـطف يـنصر عـمّه

خــذ هـالـرسالة ولـحـسين أعـطاها         رخـصـنـي الـوالـد يــا مـهـجة طــه
هـالـنصرة ابـدمـي صــرت أتـمـناها         نــادتـنـي ابـاسـمـي گلــبـي لـبّـاهـا



جا حسين الخيمة ينظر جاسم نظرة         ويـودعـه ابگلـبـه ودمـوعه مـتحدره
گلــه يـاجاسم رايـح گلـبي اتـفطره         يـا ريـحة خويه ويا روحي المنكسره

وحــسـيـن ابـدمـعـه جــمّـع آلامـــه         ولـبّـس الـجـاسم لـلـموت احـرامـه
خـذ ثـوب الـوالد وشگ نص لعمامه         وجـسّـد بـالـجاسم الـحـسن بـيّـامه

مــن لــوّح سـيـفه يـتوعّد بـالعسكر         عـمـره اثـلـتعشر ومــا مـنهم يـتأثر
غـاص ابوسطهم يعلن اسمه ويفخر         بــس كــل آمـاله يـلحگ جـثة لـكبر

يـعـلـن بـهـتـافه بـالـطـف عـنـوانـه         لـــو تـنـكـروني ابــن الـحـسن آنــه
ولـلـمـوت اتــقـدّم لابـــس أكـفـانه         وفــي وسـط الـحومه قـدم بـرهانه



مـن حـيدر بـاسه وعزم الوالد شاله         والـلـيث ايــورث بـاقدامه الأشـباله
واكـتـثرت حـولـه فـرسـان وخـيّـاله         مــا وگف إلا ابگطـعة شـسع انـعاله

وانـحـنى ايـصلحه وبـالعسكر مـهتم         والـجـيش ابـكـثره عـالجاسم مـلتم
صـــارت عـدوانـه تـتـشفّى وتـنـقم         كــثـرت طـعـنـاته واتـضـرج بـالـدم

مـن شـافه طـايح من عالمهر ابدمه         جـاله لـلمصرع مـثل الـعاصف عمّه
فــلـل عــدوانـه هـالـحـوله مـلـتـمّه         وبـدمعة عـينه بـالهم يـحمل جسمه

شــالــه لـلـخـيمة ودمّـــه يـتـصـبّب         تـنـظر لـيـه رمـله والـنظرة تـصعب
عـريـس وجـسـمه بـالـدم يـتـضخب         جــت تـنحب يـمها بـالحسرة زيـنب