من يوم الشهيد حسين         مـا مـر يوم مو عاشور
مـا لـمت دمـعها الـعين         والچف لازمـت لـصدور


كـل شـيعي ينوح عليك         يـالـمـظلوم بـالـفـطره
رضــع ويـا الـلبن حـبك         مـمـزوج بـألـم حـسره
بـالدم تـجري بالشريان         ومـصابك شـغل فـكره

يذكر بالطفوف اشصار         وبگلــبـه تـشـب الـنـار
مــن مـثـلك ثـلـة أيـام         ظـل جثمانه جنح طيور


محرم من يهل يحسين         يـجلب كـل حـزن نوره
يـرجع بـالكدر كـل عام         يـرسم لـلشرف صوره
عـاشـر واحــد وسـتين         نـسـمع صـيحة الـحوره

هـذي الخيل يا بن امي         هـاجت طـاحت خـيمي
مــن بـعد يـبو الـسجاد         مـا ظـل للحريم اخدور


يـبـو الاكـبر فـلا نـنسى         جــرح كـل عـام يـتجدد
يـذكرنا العطش طفلك         وسـهم إبـمخدره تسدد
ونـيـنك حـاضن الـغبره         ألـــم مـــا زال يــتـردد

مـا نـنسى الـنفل جايم         ولا عـيـنه بـنـي هـاشم
مـصـايب كـربـلا ظـلت         تـشـعل بـالگلـب تـنـور


يـا حسين احنا لمصابك         نـلـبس ثــوب لـلأحزان
مـاتم يـنعقد كـل سـاع         يـنـشر دعـوة الـرحمن
نـعـرف يـا أبـي الـضيم         بسمك يحصل الرضوان

نـحـلف بـالـبتول أمــك         وبأرض احتوت جسمك
إلـى يوم الحشر مولاي         إلـك ثـابت علم منشور