لَـمَن عَـزم حامي الحمى         عَ الـسفر صاحت فاطمه


چيف أجلس وحيده ابدار         وحـشـه وفــاگده الأنـوار
أحـلـفك بـالـنبي الـمختار         وأمـــك وبـعـلي الـكـرار


مـا أسـمع حچي الأحباب         وشـوف امـغلگه الأبواب
وسـافي امغطي الأعتاب         دمـوعـي اتـروي الـعَناب


مِـن أهـلي لو يظل واحد         شگولـن لـو لـفى الوافد
عـلـيله وعـافـني الـوالـد         وحـيـده ودمـعي الـشاهد


أنــدب والگلـب مـجروح         وعـيـني مــا تـمل الـنوح
ويــاكـم تـــروح الـــروح         أقـسـم بـالـقلم والـلـوح


أخـذني ابـجملة النسوان         اراعـي واحفظ الرضعان
شگولن من تجي الركبان         عـليله ومـال حيل أحزان


هـــذا الـبـيـت الـمـطـهر         خـالـي ايـظل يـا مـشكر
خَــل عـبدالله بـيه اسـتر         تـمـنـيت الـعُـمـر قَــصَّـر


نِـظَـل بـالـدار يــا مـحمد         عـلـيـنا مــصـاب يـتـجدد
لـهـيب الــروح مــا يـبرد         أوِن والگاك تـــتـــنــهــد