أم الشباب أم الشباب اتنادي=جاسم يا لب افادي زينت إلك صيواني=يا فرحتي أو ريحاني جاسم يا لب إفادي من مولدك يا غالي=حسبت فيك إسنيني والگلب بيك استبشر مهدك وسط دلالي=ورواك ماي عيوني مثل البدر تتصور وجهك ضياه ايلالي=والسهر ما يضنيني لجلك يا عطري الأدخر ظليت أعد الأيام=ورسمت كل الأحلام ذكرك ابطرف الساني=زينت إلك صيواني جاسم يا لب افادي بعد الحسن يا مشكر=ما دآك سم جعيده والچبد منه اتجرح عمك أبد ما گصر=لجلك بدل مجهوده ايطيب الگلب من تفرح ولما الزمان اتغير=ويزيدكم جنوده وبحسين ضاك المطرح بالطف نصب صيوانه=نصر الشرع عنوانه لنّك شهم تبراني=زينت الك صيواني جاسم يا لب افادي نار الحرب والنسوان=عباس بيها إتكفل للنهر طب إبجوده دارت عليه العدوان=جنب الشريعة اتجدل ومگطعات ازنوده وأهل الششيم والأعوان=عنهم بعد لا تسأل بس الحرم موجودة ردتك تضحي العمك=حور الجنان اتضمك بالموقف الرباني=زينت الك صيواني جاسم يا لب افادي من آمر ابن الزهرة=اثياب الحسن رايدها عرس الولد حل حينه ضجن نساه ابحسره=خضاب العرس ما عدها اشحال العزيزة اسكينه عرسك تصيح ابزفره=سهم الحزن ماردها شيخ الهواشم وينه چيف العرس يا عمه=كافلنه ما جف دمه لجلك جرعت أحزاني=زينت الك صيواني جاسم يا لب افادي وسمعت صوت المظلوم=عمك يريد الساعد نخواه ماحد ردها مفرود ما بين الگوم=والكل عدو وجاحد للمعركة گاصدها منك عهد للمسموم=ووفيت حگ الوالد روحك فدا ياخذها دمك يصير اخضابك=ذاري التراب اثيابك وابگى بلهيب أشجاني=زينت الك صيواني جاسم يا لب افادي شالك عزيز المختار=سجاك بين الأطناب وحنت عليك العيله وأمك تدير الأفكار=يا بعد كل الأحباب سكنه اوگفت مذهوله صاير مَثل للأبرار=يا ثمر نسل الأطياب عمرك أقل من عشرين=ضحيت من أجل الدين في الحشر لا تنساني=زينت الك صيواني جاسم يا لب افادي