يَـشيعي مصابي شاجيني         تِـصد اعـلى الـنهر عـيني

حَـرم وأطـفال عَـطشانه         بَـطـا الـعـباس مــا جـانَه


آنـــا أم الــحـزن زيــنـب         طـلعت مـن الوطن طيبه
مـشـيت ابـعـزة أخـواني         وصـلـت الـكـربلا ابـهـيبه
ومــن حَــط الـرحل بـيها         وأنــا كِــل سـاع بـمصيبه
أبـو فـاضل طـلع بـالجود         غــاب أو نـفـسي امـديبه

يـبو فـاضل تـراك أبطيت         متى ويا ساع اگولن جيت


يـخـوي أم الـطفل جـتني         تـصـيح وتـجدب الـحسره
تگول اخذي الطفل عندچ         ولـدكـم ضـنـوة الـزهـره
أخـبرچ جـف لـبن صدري         طـفل عـطشان شِـصبره
يـزيـنـب غــربَـت عـيـنـه         ثـمر گلـبي خـلص عـمره

إلـى الـعباس همه انروح         گبـل عـبدالله مـنا ايـروح


لَـعِد سـور الـحرم طـبت         اسـكـينه والـدمـع هـامي
يـعمي مـا تـشوف الحال         عـطش ما شوف جدامي
يـعـمي انـريد مـنك مـاي         نــروي كـل چبـد ضـامي
يـبو فـاضل كـفو ونعمين         مــو انـتَ الگلـت حـامي

صــاح الــراي مــو بـيدي         عَـلـيّ اعـتـاب لا اتـزيدي


لَعِد شيخ العشيره حسين         وگف عــبـاس وسـكـيـنه
يگِلــه يــا عـديـل الــروح         عـبـدالله اشـبِـحت عـينه
تـرخـصني يـبـو الـسـجاد         عــلــيـلَـك زاد بــونــيـنـه
تـحـشميني وتـريد الـماي         تــرى حــان الـوعد حـينه

حِـمل جـوده وطـلع خيال         ونــظـر لـلـفاطميه وگال


يجيب من الشريعه الماي         غـــار او غـابـت إعـلـومه
حـمـيه ومـرجـله وشـيمه         عـضيدي ويـا صـبح يـومه
وصـل لـلعَلگمي وخـاضه         بَـعـد مــا جــال بـالحومه
گمــر هـاشم بَـعد عـيني         عـلـيه الــروح مــا لـومه

سـالـم بـس يـرد احـماي         نـموت او مـا نـريد الماي


جـاها من الفرات اجواب         إهـمـلي ادمـوع مـدروفه
كـفـيـلچ عَ الـنـهـر نــايـم         سَـهم بـالعين أخذ شوفه
تـمـزگ جـود أبـو فـاضل         بـعد مـا گطـعن اچفـوفه
گمـر هـاشم يـحره اليوم         بـالـطف صـاير اخـسوفه

مِــن صـاب الـعمد هـامه         مــالـه ارجـــوع لـخـيامه