خوتچ وينه خوتچ وينه .. صاح محمد خوتچ وينه يا زينب وانتِ بهالحال=رضعان أو نسوه وأطفال خوتچ وينه يا زينب إنتِ المحجوبه=يل ظلچ ما شافه الناس جيت أسأل عن حال العيله=من فرگاهم شاب الراس يا زينب أخبار ابكثره=خايف من غدر الأرجاس احسين الكل يسأل عنه=وين الأكبر والعباس لا تخلينه .. لا تحيرينه گلبي الصابر .. لا اتفطرينه يا زينب واسمعت أهوال=مِن چابدتِ اهموم اجبال خوتچ وينه يا زينب يا ضنوة حيدر=ابحگ الخوة اتگولي اشصار اخبار الصفوة المختاره=من سَمعها الگلب ابنار سارت عنا واخلت طيبه=بلاهم صارت مظلمه الدار صاحت زينب خوي محمد=بيا حال أبدي وأي اخبار چم لاگينه .. و چم گاسينه دهر الغادر .. جار اعلينه خوي اسأل دمعي الهمال=لو تسأل جمر الدلال خوتچ وينه يا محمد اسمع أخباري=لكن خوي اتصبر الروح؟ يمكن نوماسك ما يقبل=ويگلبك دم تجرى جروح عطشان اتعفر والينا=وعَ الگاع امسلّب مطروح والأقمار الچانت تزهر=ما واحد ظل مو مدبوح تبچي اسكينه .. من خلونه اتحشم الوالي .. وعدك وينه ليّ اتصد كل الأطفال=تسأل والمدمع همال خوتچ وينه ال تفگد واحد وتوده=يا محمد ما تنام الليل اشحال الشافت أخوتها=كل جثه امثله تمثيل وحسين الطاهر جدامي=صدره اتهشم تحت الخيل وش فعلت عدوانك بينا=لجلك ما يمكن تفصيل جرح البينا .. ويني اوينه هد أركاني .. يا والينا والعيله على اظهور اجمال=تنشد هالمحمل لو مال خوتچ وينه والأكلف يا محمد وأصعب=مِن ديره الديره على اجمال أيتام أو خدّر عفنا الطف=وادخلنا الكوفه ابها لحال وهناك ابمجلس وگفونا=والسجاد ابرجله اغلال وابن ازياد الشامت يسأل=چا وين اخوتچ لبطال ينظر لينا .. ويشمت بينا ابهاي الحاله .. وياه ظلينا كِل طفل امعگد بحبال=يسأل هالموقِف لو طال خوتچ وينه يا محمد ما تگدر تسمع=مني اشصار ابأرض الشام على ايزيد الجامع دِخلينا=اتمنيت الموت من أعوام يضرب راس حسين اگبالي=وفطرها اگلوب الأيتام ماتت طفله ابجمر الحسره=وبالخربه اگضينا الأيام من عزينه .. دخلت لينه هِند وصاحت .. زينب وينه يا زينب يا أخت إرجال=بعد العز صرتِ ابهالحال خوتچ وينه