طــــــــاح الـــعــلــم طـــــــاح         يـــــا مــظـلـوم يــــا مــظـلـوم

هــذا الـعـلم بـيـه الـتزم چيـدوم         مَـعلم شـرف هذا انعرف بالدوم
خـير العمل شاله وحمل عالگوم         وانـتَ الـبطل بـيك الأمل هاليوم

مِـن حـيدره ظل مفخره ابيمناك         وبــكـربـلا وبـالـمـرجله اتـعـنـاك
أحـمي الخيم عطني العلم ناداك         سـور الـحرم روح الـشيم يفداك

بـيـده ارتِـفـع لَـمـن طـلـع چتـال         صـال وحمل بالطف جدل أبطال
طــب لـلـنهر شـبه الگمـر خـيال         بـس هـيه عَـف مـا نسَ الأطفال

يـحمي الـجود راعي الزود منواه         يـطفي الـنار يروي اصغار ترجاه
لاگى احـشود كـثره اجـنود تـتناه         بس يا حيف گطعوا ابسيف يمناه

نَـسل الـظهر يـبدل عـمر لـلدين         صـوّر كـرامه ينصر امامه حسين
ابـطـف كـربـلا واگف بِـلا چفـين         حـار الـشهم صابه السَهم بالعين

وحـده انفرد صابه العمد بالراس         راسـه انطبر گلبه اصطبر عباس
نـترف الدِما ونار الضَما وأرجاس         خـر الـبطل جـهده بـذل لا بـاس