الفقرة الثانية يا صاحب السلاسل الثقيلة أفديك يا ذا السجدة الطويلة بالنفس و المال .. يا كاظم الآل يا رسالة فاطمة بارض المدينة تحمل الزاجل معانيها الحزينة طارت ابحسرة في العالم تنادي=ما أظلم الوادي بعد الأحبة وين ألاقيهم في أي بلد تاهت=عني معانيهم قلبي مشوبه ردت ابلوعة للروضة=و دمها بلل ترابه للنبي و للبتولة اتعظم=أجره و تسمع مصابه قالت الزهرا يا زاجل بالله روحي و اقصدي بغداد و عند الغالي نوحي قالت بامرش يا ام الحسن هذي=لوعة محب غايب عنه حبيبه هذي جنحاني كاتب عليها الدم=عند عترة الهادي ليت المصيبة وصلت و الحزن منها هايج=و القلب يشتعل باللواعج صارت احزانيو آلامي واهج=جيت أبثها لباب الحوايج يواحة الصبر طويت أنا العمر=و جيتك اشتكي و اسايل القبر مدامعي تهل و بالي منذهل=و زفرتي بقت حبيسة في الصدر و جيت إلى الصحن أخاطب الزمن=و روحي تبكي موسى بن جعفر غريب و في السجن إلى الوطن يحن=إلى الله متخذ سجنه معبر سجن إلى سجن محن بعد محن=عذابه ما سكن يا سابع الحجج و شيعته الصبر ذهلها تنتظر=طلوعه ابعجل متى متى الفرج تطالح بوجل .. و شافت الأمل على الجسر جنازة طريحة و شافت الإمام .. تشيعه اللئام و ضاقت النواحي الفسيحة يزاجل ردي روحي=خبري الزهرا الحزينة و طيري في النواحي=و اقصدي راعي السكينة مدينة يا مدينة=من بقى فيها إلينا خلية من أهلها=و الصدى يجذب ونينه و أخفض .. صبري يا موسى بن جعفر على فرقاك=ياليته قلبي يندفن وياك بغداد أنا اللي حبي صار هناك=عند الأئمة ألازم الشباك حزني .. فني طرت ابخيالي ناشر الجنحان=حامل رسالة شوقي و الأحزان فوق القبر أنثر هوا و ريحان=و ادموعي شمعة و الحزن عطشان فس سجون الظالم=صرخة مجروحة و مكتومة لو طالت هذي الدنيا=كل ظالم له يومه يا هارون اسمع و أفهم=هالصرخة المظلومة يا غاية روحي و فكري=أسمك يبقى عالي لو قيدتنا=عنك الدنيا بنبقى في الولاية نوفع علمنا=للشهيد و كل ظلامة لها راية باسمك هتفنا=و أنته منبع نرتشف منه الهداية جسر الرصافة ضجة غريبة=ضجة غريبة قوموا يشيعة حلت مصيبة=حلت مصيبة شيلوا الجنازة صيحة كئيبة=صيحة كئيبة و الله فجيعة=لكن ابطف كربلا و الجاري فيها يا كربلا عن=جثة احسين الشهيد اشحل عليها قالت يشيعة=ظلت ابحر الثرى محد جاء ليها متغسلة من دمعة جرية=دمعة جرية متكفنه من حر الوطية=حر الوطية صلت عليها الأعوجية=الأعوجية يا صاحب السلاسل الثقيلة أفديك يا ذا السجدة الطويلة بالنفس و المال .. يا كاظم الآل