يـارسـول الله بـعـدك اظـلـم الـكون الـكبير         امـتك مـفجوعه صـارت غـاب هاديهه البشير
رحـلـة الـهـادي نـبـينه جــرح مـامـثله مـثيل         ارتـجّت الافـلاك كـلهه الارض ضجّتْ بالعويل
غـابت اركـان الـهدايه وانـقطع وحـي الجليل         مـعرفه وعـصمه وهـدايه مـنبع الدين الاصيل
وبـغـيابه انـثـلم ديـنـه واوجــدو عـنـه الـبديل         وصـارت الاحـكام تـسري ابلا روايه اولا دليل

يـارسـول الله بـعـدك اظـلـم الـكون الـكبير         امـتك مـفجوعه صـارت غـاب هاديهه البشير

يـارسـول الله شـخـبرك بـعـد عـينك بـالجره         بـعـد مـاغـمضّتْ عـيـنك الامــه ردّت لـيـوره
احـلاف احـزاب ومـصالح والـحقد بيهم سره         نـكرو اعـهودك يـامنقذ وصـار ديـنك گنـطره
عـبرو اعـليهه ابـمصالح والـهدف واضـح تره         الـسلطه كـانت مـبتغاهم كـون يـبعد حـيدره

يـارسـول الله بـعـدك اظـلـم الـكون الـكبير         امـتك مـفجوعه صـارت غـاب هاديهه البشير

چنـت تـعرف بـالمصيبه وگلـت اتـوني ابـقلم         اكـتـب الـكـم هـالـوصيه ورايـد الـكل تـلتزمْ
والـيخالف مـااريده ايـعيش كـل عمره ابندم         الـربّع حـسّو بـالقضيه الـخطه راحـت تـنهدم
گالــو الـهـادي تّـوجـع سـيـطر اعـلـيه الالــمْ         صـوبو گلـب الـرساله وضـاعت اهـناك القيم

يـارسـول الله بـعـدك اظـلـم الـكون الـكبير         امـتك مـفجوعه صـارت غـاب هاديهه البشير

وانـته بـفراش الـمنيه اتصارع ابروحك صرتْ         ذولــه راحــو لـلـسقيفه وخـالـفو كـلما ردتْ
قـسّـمو كــل الـمناصب بـعد مـاعينك غـفتْ         نـزعه عـدهم جـاهليه گول عـنهه اشما گلتْ
ذولـه عـالو بـيك قـسرا وانـته بـيهم ما علتْ         ردت انـقـاذ الـبـرايا وكــل وجــودك قـدّمتْ

يـارسـول الله بـعـدك اظـلـم الـكون الـكبير         امـتك مـفجوعه صـارت غـاب هاديهه البشير

مـارعـو نـهجك الـصادق زمـر احـقاد ونـفاق         فـرقّـو امــة مـحـمد خـلـفّو بـيـهه انـشـقاق
شـوهّو فـكر الـرساله الـدين اصـبح لايـطاق         والـمباديء كـلهه غـابت ديـن ارهاب وشقاق
ال سـفـيان وامـيـه الاصــل واحـد هـالرفاقْ         مـارعـو لـلـهادي حـرمه ابـاخر اوداع وفـراقْ

يـارسـول الله بـعـدك اظـلـم الـكون الـكبير         امـتك مـفجوعه صـارت غـاب هاديهه البشير

غابت الرحمه الوسيعه وجارت احكام الزمان         وبـغـيابك يـانـبينه انـفـقد مــن عـدنه الامـانْ
والدسايس غدت حرفه وخلفوهه ابكل مكان         اقـرون مـرّت يـانبينه ونـهجك الـصادق مهانْ
انـته مـصدر لـلشفاعه وانته بالمحشر ضمانْ         فـاز مـن سـار ابـطريقك اخذ مسلك للجنانْ

يـارسـول الله بـعـدك اظـلـم الـكون الـكبير         امـتك مـفجوعه صـارت غـاب هاديهه البشير