شعراء أهل البيت عليهم السلام - رحيل الرسول

عــــدد الأبـيـات
25
عدد المشاهدات
1745
نــوع القصيدة
عامية
مــشــــاركـــة مـــن
تاريخ الإضافة
11/02/2010
وقـــت الإضــافــة
1:11 مساءً

يارسول الله بعدك اظلم الكون الكبير = امتك مفجوعه صارت غاب هاديهه البشير رحلة الهادي نبينه جرح مامثله مثيل = ارتجّت الافلاك كلهه الارض ضجّتْ بالعويل غابت اركان الهدايه وانقطع وحي الجليل = معرفه وعصمه وهدايه منبع الدين الاصيل وبغيابه انثلم دينه واوجدو عنه البديل = وصارت الاحكام تسري ابلا روايه اولا دليل واجتهادات ومناصب زمر معدومه الضمير يارسول الله بعدك اظلم الكون الكبير = امتك مفجوعه صارت غاب هاديهه البشير يارسول الله شخبرك بعد عينك بالجره = بعد ماغمضّتْ عينك الامه ردّت ليوره احلاف احزاب ومصالح والحقد بيهم سره = نكرو اعهودك يامنقذ وصار دينك گنطره عبرو اعليهه ابمصالح والهدف واضح تره = السلطه كانت مبتغاهم كون يبعد حيدره وهذا ديدنهم ياهادي وانته اعرف بالمصير يارسول الله بعدك اظلم الكون الكبير = امتك مفجوعه صارت غاب هاديهه البشير چنت تعرف بالمصيبه وگلت اتوني ابقلم = اكتب الكم هالوصيه ورايد الكل تلتزمْ واليخالف مااريده ايعيش كل عمره ابندم = الربّع حسّو بالقضيه الخطه راحت تنهدم گالو الهادي تّوجع سيطر اعليه الالمْ = صوبو گلب الرساله وضاعت اهناك القيم منبرك منبر قداسه بيدمن تالي يصيرْ يارسول الله بعدك اظلم الكون الكبير = امتك مفجوعه صارت غاب هاديهه البشير وانته بفراش المنيه اتصارع ابروحك صرتْ = ذوله راحو للسقيفه وخالفو كلما ردتْ قسّمو كل المناصب بعد ماعينك غفتْ = نزعه عدهم جاهليه گول عنهه اشما گلتْ ذوله عالو بيك قسرا وانته بيهم ما علتْ = ردت انقاذ البرايا وكل وجودك قدّمتْ لچن ماراعو وجودك وانته كالفجر المنير يارسول الله بعدك اظلم الكون الكبير = امتك مفجوعه صارت غاب هاديهه البشير مارعو نهجك الصادق زمر احقاد ونفاق = فرقّو امة محمد خلفّو بيهه انشقاق شوهّو فكر الرساله الدين اصبح لايطاق = والمباديء كلهه غابت دين ارهاب وشقاق ال سفيان واميه الاصل واحد هالرفاقْ = مارعو للهادي حرمه اباخر اوداع وفراقْ اختلفو ابحضرة نبيهم هذا واقعهم مرير يارسول الله بعدك اظلم الكون الكبير = امتك مفجوعه صارت غاب هاديهه البشير غابت الرحمه الوسيعه وجارت احكام الزمان = وبغيابك يانبينه انفقد من عدنه الامانْ والدسايس غدت حرفه وخلفوهه ابكل مكان = اقرون مرّت يانبينه ونهجك الصادق مهانْ انته مصدر للشفاعه وانته بالمحشر ضمانْ = فاز من سار ابطريقك اخذ مسلك للجنانْ واحنه نهجك مانغيره ولازم انكمل المسير يارسول الله بعدك اظلم الكون الكبير = امتك مفجوعه صارت غاب هاديهه البشير
Testing