سـلام اعـلى النجف والحضرة والراية         وعـلى الـمدفون بـيهه الـمعجزه الآيه

سـلام اعلى النجف من ديرة الاجناب         عـلى ارض الـغري وذاك داحي الباب
ســلام إمـطرز ابـدمعات لـو تـنساب         ابـــد مـاتـنگطـع كـــل يـــوم جـرايّـه

جــرايّـه الــدمـوع اتـسـيل عـالـخدين         تـواسـي الـبطل حـيدر سـيد الـكونين
تگلــه الـمـحن هـالتلفيك گلـي امـنين         يـحـمـاي الـدخـيل اتـريـد حـمـايّه؟؟؟

يـحـمّاي الـدخـيل اتـلـوذ بـيك الـناس         مـن جـور الـزمان وقـسوة الارجـاس
يـمـقياس الـعداله ابـحضرتك تـنقاس         اجـيـنه اهـمـوم كـلـنه وإلــك شچّايـه

شچّايــــه اجـيـنـه ونــجـذب الـعـبـره         تـعـنـيـناك كـلـنـه وبــالگلـب جــمـره
نـحـبّـك يـاعـلـي وتـدريـنه عـالـفطره         يـامن حـبّك امـلنه واسـمى كـل غـايه

عـالـفطره نـحـبّك يــوم چنّــه ازغــار         وكـل واحـد حـفظ لـك بـالگلب تذكار
ومـانـتـخلّه عــنـك ابـــد مـهـما صــار         يـظـل نـهـجك نـهـجنه وبـيـه مـشّـايه

مـانـتـخلّه عـنـك لــو دركـنـه الـمـوت         يامن باسمك نجه يونس ابطن الحوت
ابـعـزمك مـانـهاب وعـالمنايه انـفوت         نـفـديـلـك عــمـرنـه ونــظـل وفــايـه

نـفـديلك عـمـرنه وهــذا اقـل مـجهود         يـمن عـمرك فـنيته ابـساحة الـمعبود
وإلــك مـنـه عـهـد ولـلـقائم الـموعود         يــظـل نـهـج الامـامـه ونـظـل ودايّــه

ودايـــه نــظـل الـعـمـر مـهـما طــال         جـيل ابـجيل سـرنه وثـبت هـذا الحال
لا غـرتـنّـه دنــيـه ولاتـهـزنـه اهـــوال         سـرنه اعـلى الـدرب كـل يـوم عـنايّه

لا غـرتـنّـه دنــيـه ولا جـزعـنـه ابـيـوم         او واحدنه اعلى حبكم بالزغر مفطوم
اشگد جار الزمان ومضتْ بينه اهموم         لچن حـبـكـم يـظـل لـذخـر والـصـايه

ذخـر حـبكم يـظل ونـشيل بيه الراس         تـبـاهينه ابـوصلكم بـين كـل هـالناس
عـلـي تـاج الـولايه ومـعدن الـنوماس         حـبـكـم كــسـب رابــح فــاز شـرايّـه

حـبكم كـسب نـدري والـيحب ربـحان         الـيـحبكم دوم نـاجي وابـد مـاخسران
يـا مـرجع كـل رسـاله ومهبط القرآن         ســلـم كـلـمن نـخـاكم جـيـنه نـخـايّه

نـخـايّـه اجـيـنـه وبـيـنـه تـسـعـر نــار         وقـصـدنـه ازيـارتـك يـاحـيدر الـكـرار
لچن وسـفه لگيـنه امـطوقيك اشـرار         الـيـطب لـك والـطلع مـخطور لـلغايه

ابـو الـحسنين حيف امطوقيك اصلاف         لامــن قـيم عـدهم لا عـدل وانـصاف
شـنـسميهم هـمج اوبـاش لـو اجـلاف         قـلـيـله الـتـسميات ابـحـقهم اهـوايـه

ابـو الـحسنين نـورك ما تحجبه اغيوم         اسـد ضـرغام سـيف وناصر المظلوم
وتـظل ارواحـنه بـالحضره دوم اتحوم         نـــذر ارواحــنـه الـحـضـرتك فــدايّـه

نـذر ارواحـنه الحامي الحمه المهيوب         عـلـي حـبـك نـجـاة وغـاية الـمطلوب
عـلي ابـنهجك نـسير ونـفتخر ونـذوب         يـالـنـهـجك ذخــرنـه اهــنـاك تچّايـــه

حـبك حـصن مـن نـار الـحطيم اهناك         فــاز الـسـلك نـهجك يـاعلي او والاك
دنـيـه وآخــره مـاشـين كـلـنه اويــاك         ابـخـطـك نـلـتـزم يـالـخـطك امـرايـه
سـلام اعـلى النجف والحضره والرايه         وعـلى الـمدفون بـيهه الـمعجزه الآيه