نـعـزي الـمـصطفى وحـيدر وصـيّه         ابـشـهادة فـاطمه الـزهره الـزچيه
مـصـيـبة فـاطـمه اعـظـم مـصـيبه         مـظـلـومه مـضـت هــاي الـعـجيبه
ابـحـزن عـاشت عـمرهه هـالنجيبه         الـحـزن مـوال صـار الـهه وسـجيه
نـعـزي الـمـصطفى وحـيدر وصـيّه         ابـشـهادة فـاطمه الـزهره الـزچيه



الـحـزن مـافـارگ الـزهره ولا يـوم         تشوف المصطفى وميراثه مهضوم
نـقـضوا كــل عـهوده وخـانو الگوم         والــكــرار گلــبـه الــيـوم مــالـوم
يـجـسـر حـسـرات والـونـه خـفـيه         نـعـزي الـمـصطفى وحـيدر وصـيّه



عــلـي الـمـا هـزتـه ذيچ الـطـلايبْ         اســد مـهيوب تـشهد لـه الـحرايب
وابـــد مـافـتت عـزمـه الـمـصايبْ         لـكـن مــن فـقـد اغـلـى الـحـبايبْ
ظــهـره انـكـسـر حـمّـاي الـحـميّه         نـعـزي الـمـصطفى وحـيدر وصـيّه



والـسـلـمان گلــه الـنـعش شـيـله         تــره ظـهـري انـكسر مـابيه حـيله
مـصـيـبة فـاطـمه صـعـبة وثـجـيله         چبـــد حــيـدر تــصـدّع وي دلـيـلـه
الــدهـر صــابـاه بـسـهـام الـمـنـيه         نـعـزي الـمـصطفى وحـيدر وصـيّه



فــاطـم لـلـوصـي كــانـت مـعـيـنه         مـهـجـته وسـلـوة ايـامـه وسـنـينه
وچانــت مـوضـع اســراره الـدفينه         ابـغياب الـزهره مـفجوعه الـمدينه
ودار الـمـرتـضى وحــشـه وخـلـيّه         نـعـزي الـمـصطفى وحـيدر وصـيّه



دارك يـاعـلـي مـسـتوحشه الــدار         تــنـدبـك ويـــن زهـرتـنـه يــاكـرار
غــابـت والـدهـر مـاانـصف وجــار         عـلـيها اطـاولـت زمــرة الاشــرار
ولا راعـــو قــدرهـا اهـــل الـرديـه         نـعـزي الـمـصطفى وحـيدر وصـيّه



لاعــرفــو قــدرهــه ولا رعــوهــه         بــــس مــاغـاب هـاديـنـه ولــوهـه
ابـحـطب حـاطـو الــدار وروعـوهه         خـلـف الـباب هـالزمره اعـصروهه
ضـلـعـها انـكـسـر عـالـغبره رمـيـه         نـعـزي الـمـصطفى وحـيدر وصـيّه



صــاحـت فـضـه ويــنچ سـاعـديني         عــلـى صــدرچ انـشـدچ سـنـديني
ضـلـعي انـكسر والـمحسن جـنيني         مــيــت هــالـسگط زيّـــد ونـيـنـي
ابــغـدر كـتـلـوه زمـــرة ال امــيـه         نـعـزي الـمـصطفى وحـيدر وصـيّه



ابـمـصابچ يـالـبتول اتـزلزل الـكون         وگلـب الـمرتضى الـفرگاچ محزون
وســــرچ بــالگبــر ویاچ مــدفــون         دهــلـن دم بـــدال الـدمـع يـعـيون
لاديــم الـنـوح كــل صـبـح ومـسيه         نـعـزي الـمـصطفى وحـيدر وصـيّه