ما تنام الليل عشاگ البتول = وما تهيد اشلون گلي افكاري اشلون صاحب ثار تغفاله الجفون = وبابهه المحروگ اصبح ثاري عمت عينه النام والزهره البتول = تصيح يا رباه حرگو داري للحشر والله ما انسى المصاب = وبالگلب ياناس تلهب ناري بعد هيهات السكوت وبيه صوت = وانا من اسكت اموت بعاري انا علمني الشعر حب الحسين = وما اجامل بالشعر ما داري وانه لو ما اذكر بشعري البتول= والله لاخيراً بعد بشعاري ما ننام الليل والمحسن يصيح = يشهگ بصوته ويحن للباري طحت يم الباب محروم الحياة = وانته تعلم يا الهي وداري وامي خلف الباب تصرخ يا مغيث = الﮕوم ضيعت سيدي مﮕداري الف لعنه عله اليحبهم واليﮕول= ذوله كيت وكيت ذوله اطهاري ذوله يا مخدوع اشباه الرجال = مثل ابو سفيان مثل الضاري فاطمه الزهراء محراب الخلود= وبصلاة الله هي اذكاري هيه كل لحظه تنادينه وتصيح = وين اهل الدين وين انصاري الف يالبيك يابنت الرسول = انا حاضر زهبت بتاري احنه ما ننساچ يا ام الحسين = وكلنه هالمقداد والغفاري وبالف عمار والاشتر نﮕوم = للشدد وي مِيثم التماري ما تنام الليل عشاگ البتول = وما تهيد اشلون گلي افكاري