أنـا شـحﭽي .. شﮕلـك كلك اوجاع         حـرت مـن ويـن ابَـدِّي وكلها ضيعه
الـحـزن راسـه ﭼبـير ودنﮓ وطـاع         تـلـمـس ﮔلــبـك وأصــبـح يـطـيـعه
صُـبح حـزني عـليك اكبر من الﮕاع         وحـقـك ضــاﮔت بـحـزني الـوسيعه
الـصـبر مـايـنشرى والـمـوت يـنباع         شريت الموت وصبري برخص ابيعه
شـريـت الـموت لـني عـليك مـلتاع         أون الله يـــاحــامــي الــشــريـعـه
مـواجـع وإنـتـه ﮔلـبك بـالوجع ضـاع         تِـــوِّن لْـوَقـعـة الــطـف الـفـضيعه
مـثلها مـاجرى وصـوت الحزن شاع         وبـيـها حـسـين ظــل جـثه صـريعه
عـليه الـخيل جـالت هشمت اضلاع         انـسحﮓ ضـلعه مـثل ضـلع الوديعه
اهــيـج حــزنـك بــلﭽمـات لـنـزاع         بـرضيع حسين وﮔوم اطلب رضيعه
أطـلبك بـالصبر ؟ يـالصبرك شـراع         شـعظم صـبرك يـبن فـخر الطليعه
أون يــاغـيـرة الله نــجـل لـسـبـاع         فـخـركم هـجـمت اركـانـه الـرفيعه

ركـــز بـيـنا الـعـدو بـفـرﮔاك سـلـه         الـبـعـد صـوبـنـي ولــدلالـي ســلـه
يـغـايـب سـيـفـك الـمـذخور سـلـه         واخــــذ ثـــارات يـــاروح الــزﭼيـه