كُلشي خالقه رب العرش زوجين=والقرآن باياته صُبَح شاهد إنْس وجن..جنه ونار..وانظر زين=وبعين الْحقيقه عاين وشاهد خِير وْشَر..نْهار ولِيل..زين وشِين=ظلمه ونور مابيها قِسم خالد بَحر وبر..جزر ومد..شده ولين=كُلشي اثنين..يُو صادِر يو وارد هِﭽي خالق القدره رِسَم دربين=ايْخَيِرنه وهوه عارف وقاصد إمايَسره نِمشي لو نصد ايْمين=وكل واحد يِختار الذي رايد الله اْهْداك ياإنسان للِنجدين=تِكفر بالله لو تبﮕه إله حامد وهَمن بيك يالإنسان هَم قسمين=مِيْت ..اوْ حَي ..ماظن تﮕدر تعاند حَتى العين شوف اشلون هَم ثنتين=لليِملك بصر واللي غدى فاﮔد إبْحث كل مﭽان ودور الصوبين=وعن هالآنِي ﮔلته إسأل وناشد كل الكون دوَّر بِيْه وانظر بين=أفلاكه واكثر إنشد وباعِد أقسم لك تلاﮔي الدنيه كُلها اثنين=(لاﭼن تلﮕه بس الْمنتظر واحد)