خاطبتني .. تﮕلي إسرح
هيم بطيوف السَحَر
وإغرﮒ ابَّحر الْخيال ....إسرح ابدنيا الْجمال...
وطوف مابين الشجر ... وإجْمع أصناف الثمر
وإجْمع حروفك يشاعر...... وهَيِّج ابوصفي الْمشاعر
بالله أرسِمني قصيده وبيها يامدلول سافر
وإجْمَعِت كل حيل فكري
وكل خيال ابعيني سحري
ورْسَمِت صورة قصيده عِد ﮔمر
وانفجر بركان شعري
وانثرت كل شوﮒ صدري
وماوصلت آنه لوصفها!!
وكل وصوف الروعه ﭼانت من حسنها يابشر ...نقطه ابَّحَر
واحترت .. لَنِّي انْشَدِتْها
إنتي ياصورة خيال ...
وصورة الحِسن اللي راسِمها القدر
ياجَمال وياجلال إنتي حِملتي ؟! ... إنتي ساس الروعه إنتي
يانسيم الشوﮒ بَحضان الْمطر...
ياأمل فنان مابين الصور
ياللي أتعبتي الْخيال وماﮔِدر ...
ياللي تيهتي البشر
ناشدتها منهو إنتي؟ منهو إنتي؟
ﮔالت آنه ... آنه آنه :
ليلة النص ... ليله شع بيها الإمام الْمنتظر