بربعين البلا جيتك يا جسم بالظعن جيت=اخبرك عن خبر زينب والحرم تجبل دريت قله خبرني يا يراسي بحالكم عقب المسير=وانشدك لا تخفي عني حملكم فوق البعير من مشيتو الكوفة عني وآنا ما عندي نصير=من مشيتو ببهالفيافي وآنا علغبرة بقيت قله يا جسمي بدينا من ركبنا على الرماح=من صبيحة الحدعش مرت حريمك بالبراح علهزل مرن بواجي على مكسور الجناج=لا هوادج لا قنع وانت يحامينا اندميت زينب الما عرف ظلها بالخلق واحد غريب=زينب الما سمع حسها لا وضيع ولا نجيب ترضى تبقى على الارض مثل الشمس وقت المغيب=مسلبة بوسط الاعادي تصرخ اليوم انعميت والعليل انضرب جسمه بالسياط الواجعة=والعدا قيدت جسمه علجمل بالجامعة ظل يميل من التعب ويصيح آه يالفاجعة=ريتك تشاهد وتنظر بوية هالبلوة يريت سكنة من يهمل دمعها تنشتم بين الارجاس=تحرسك تمسح دمعها وتحرس الوالي عباس تقول يابوية فجعني وقفتي بين الانجاس=قوم خذني للعليلة فاطمة وخلني بالبيت جني انظر امك الزهرا هالبضعة البتول=تصرخ بحرقة والم واسمع يويلي وش تقول قوم يبني من الترب واجبل علي يبن الرسول=لمسح جراحك بعيني واسألك ليش ارتميت من مشينا الكوفة رحنا لمجلس الطاغي عبيد=يشتم الوالد علي ويضرب على راس الوليد والخرابة البتنا بيها ذكرتنا بهالوريد=قوم يا شيخ العشيرة شتم زينب ما نسيت رحنا من بعد الخرب للشام والمحمل يصيح=بعد عينك سلبونا والجبد منا قريح وانتظرنا الاذن علفاجر وظل قلبي جريح=والشمس تلفح حريمك وآنا من صبري انفريت لكن الاعظم بعد ذبحة رقية بالصبر=عقب ما شافت الجثة رجعت بوسط السحر واشتكت ليه المصايب راوت مصاب الظهر=بالسياط مقطعينة ليتك تشوفيه يليت هذا اللي جرى عدنا قلي يا جسمي شجرى=قله من بعد المحامل وسدوني بالعرى والولد جانا لدفن جثتنا من فوق الثرى=وهذه ياراسي المصيبة ومن جروحي ما بريت