هاي اختك اجت كوم وتلكاهه=اجتلك تشتكي من ضيم بلواهه هاي اختك اجت يحسين يامظلوم=عافتك جسد وتسيل منه دموم ومسبيه مشت رغما خذتهه الكوم=وبس شبلك علي السجاد وياهه مشت عنك يبو السجاد لارض الشام=غريبه ميسره وبولية الظلاّم وراسك عالرمح ظل يبره للأيتام=وبسوطه الزجر روع يتاماهه هاي اختك اجت ترويلك الاخبار=عن كل الجره بالشام والي صار تشكيلك هظمهه بمجلس الاشرار=هناك ابن الدعي للذله راواههه ردت بالظعن وتصيح وين حسين=وابن عودي الكمر بينه التكفل وين دهاني الضيم يخواني وعماني البين=المصايب يا هلي بالعين شفناهه دخلت المجلس الطاغي يبو السجاد=وعيون الخلك توميلي بالاحقاد يزيد ابن الدعي وآكالة الاكباد=شامت مبتهج واحقاده ابداهه يمن جسمك يخويه عالترب تركوه=راسك بالطشت يحسين من جابوه تمنيت العمه ولا شوفهم جابوه=وبشفتك عصاته الباغي خلاهه ومن جابو علم راعي العلم والباس=خنكتني العبر وانكطعت الانفاس صحت وين الكرم حامي الظعن عباس=يصد للعايله بيا حال يلكاهه اخافن تنلجم يبن امي من بلواي=وكلبك ينجرح يحسين من شكواي ترى بتك رقيه ما اجت وياي=بديار السبي وافت مناياهه لعب بينه الدهر يحسين يبن امي=وانه جبال الهظم ما ينوصف هظمي اسيره وبالغرب ولياني مو يمي=ضحايه مغسله بدموم عفناههه يمن جان الكلب من شوفتك ينسر=وهالساع بلحد نايم يبو الاكبر احلفك بالحسن ياخويه وبحيدر=تكوم وتستمع من روحي شكواهه عمار جبار خضير 26 محرم 1431