شعراء أهل البيت عليهم السلام - جف الدفع باب الدار

عــــدد الأبـيـات
43
عدد المشاهدات
3821
نــوع القصيدة
عامية
مــشــــاركـــة مـــن
تاريخ الإضافة
29/01/2010
وقـــت الإضــافــة
11:37 صباحاً

جف الدفع باب الدار=شوف شترك من آثار ! ضلع الزجية المصيوب يا ابن الحسن يا المحجوب عن جرح أمك البضعة=موجود الأثر لليوم شكوى بكل وقت ينزف=ودموع وحزن وهموم بعده الظالم بظلمه=يتحكم على المظلوم والمظلوم ينتظرك=سره ال بالقلب مكتوم حكم العدل يالموعود=ما بعد يحتاج شهود وحق الصميدة المغصوب يا ابن الحسن يا المحجوب جف الدفع باب الدار=شوف شترك من آثار ! ضلع الزجية المصيوب يا ابن الحسن يا المحجوب هاي البضعة والهادي=وصى بكل فرض بيها وجان بعطفه يفقدها=يصابحها ويماسيها وقال يحبني ال يحبها=وياذيني ال يأذيها ويا ذنب ال بدا منها=لمّن هجموا عليها ! دافعت أم الأطياب=عن حق علي داحي الباب بحيدر ال بالنص منصوب يا ابن الحسن يا المحجوب جف الدفع باب الدار=شوف شترك من آثار ! ضلع الزجية المصيوب يا ابن الحسن يا المحجوب والدها رسول الله=لمّن جان يفقدها ما يقبل يطب للدار=إلا بإذن من عِدها وبحكم الشرع مسموح=يدخل ليها والدها شلون بلا إذن دخلت=ناس أجناب ناشدها ! جا ما قالوا الأشرار=فاطم ما عليها خمار ! مذعورة وقلبها يلوب يا ابن الحسن يا المحجوب جف الدفع باب الدار=شوف شترك من آثار ! ضلع الزجية المصيوب يا ابن الحسن يا المحجوب عنهم للستر لاذت=خلف الباب يدروها والمفروض من عِدهم=بهالحالة يحشموها بنت سيد الرسل طه=وخير النّسا يعرفوها ببين الباب والحايط=أم الحسن عصروها ! دم الزجية المهدور=ولوعة ضلعها المكسور سبب دمعنا المسكوب يا ابن الحسن يا المحجوب جف الدفع باب الدار=شوف شترك من آثار ! ضلع الزجية المصيوب يا ابن الحسن يا المحجوب نفس ال ظلموا البضعة=والينا علي ظلموه والسم للحسن إبنه=أصحاب الحقد دسوه وظامي على الفرات حسين=نحره من القفا ذبحوه وقطع الروس يا الغايب=من ذاك الزمن سنّوه وعندك خبر هالأيام=عن هدم دور الإسلام ! تعجيل أمرك مطلوب يا ابن الحسن يا المحجوب جف الدفع باب الدار=شوف شترك من آثار ! ضلع الزجية المصيوب يا ابن الحسن يا المحجوب حال المسلمين اليوم=انته بعينك تنظره ال ينهج منهج أجدادك=أهل التفرقة تكفره خلق الطائفية تريد=بهذا الحقد ال تفجره واحنا بلهفة يالمهدي=موعد ثارك ننطره شيعة علي تترجاك=تحمل الراية بيمناك ! وعليها ثارك مكتوب يا ابن الحسن يا المحجوب جف الدفع باب الدار=شوف شترك من آثار ! ضلع الزجية المصيوب يا ابن الحسن يا المحجوب هاي أهل العراق وهاي=ما صارت مصايبها أيتام وأرامل شوف=حالتها يا غايبها تريدك تفزع عليها=قوم ولبي مطلبها ! إلمن تشتكي وغيرك=من يقدر يجاوبها ! شيعتك ما بين ذياب=حاطتها زمرة إرهاب ! والصخر من ونها يذوب يا ابن الحسن يا المحجوب جف ال دفع باب الدار=شوف شترك من آثار ! ضلع الزجية المصيوب يا ابن الحسن يا المحجوب
Testing