بعد الرسول الهادي = هاي البتول اتنادي اشحل بينه = يا هادينه هاي البتول اتنادي *** بعد الرسول المصطفه = نادت الحره تشچي آنه اليتيمه فاطمه = حالي عليّه يحچي بين الأوادم حالتي = منها العرش ظل يبچي ياهو السمع الصرختي = يابويه لمن تمشي يا بويه واسمع عتبي = من هاجت نار ابگلبي ما تدرينه = يا هادينه هاي البتول اتنادي *** يابويه ونيران الحزن = ظلت ابگلبي سعره من عگب عينك يا ظلم = ابضلعي ناره وجره ايبا حاله ما بين الخلگ = يابويه طحنه ابزمره كل ما اصيح ابحسرتي = آنه البتول الزهرة ما بين ظالم غدار = عصروني ابباب الدار ومن نادينه = يا هادينه هاي البتول اتنادي *** عصرتني زمره ظالمه = يابويه ابباب الدار وابضلعي يابويه نبت = ابصدري هاذا البسمار جاروا عليه وحالتي = من صفت بين الأشرار لا تظن تكفي عصرتي = يابويه عن حرگ الدار وسگطوا محسن مني = يابويه وكثر وني محسن وينه = يا هادينه هاي البتول اتنادي *** يا بويه محسن من وگع = فوگ الارض عالتربان يا ألم اتحمل بعد = عگبك يبويه واحزان محنه وره محنه صفت = تلهب لهيب النيران وآنه البتول الطاهره = گلبي ابمصابه حيران محتاره وادموعي اتسيحة = من يسمع لو روحي اتصيح واشلاگينه = يا هادينه هاي البتول اتنادي *** يا بويه من سلبوا فدك = ومن الفدك منعوني وحگي الخذوا مني غصب = يابويه من حرموني ظليت وآنه ابعلتي = وهالگوم ما رحموني للمسجد قدمت العذر = وهالناس ما سمعوني ابهاذا الوضع من ظليت = يا بويه وانته ميت واشمر بينه = يا هادينه هاي البتول اتنادي *** وحيدر الغصبوا بيعته = يا بويه وما راعوها منه الخلافه اهل الغدر = واهل الطمع غصبوها والدين بعدك غيّروا = ومنه الاسس حرفوها وابكل جهاله اهل الاثم = غيروا كل معناها يابويه وهذا اللي صار = جارت علينه الاشرار هاذا البينه = يا هادينه هاي البتول اتنادي *** عانيت من هاذا الالم = يا بويه ومن اهمومي اتمنيت آنه من گبل = يومك يعجِّل يومي ما عندي ابهالفاجعه = يا بويه إلا لومي وطردوني من آنه اون = لو ردت تدري اعلومي وظليت أون بالاكدار = وبعدتني گوم الاشرار لو ونينه = يا هادينه هاي البتول اتنادي ***