الإمام زين العابدين (عليه السلام) سهم الگدر صاب=عيّن ولا خاب گلب أبو الباقر إبسهم المنيّه هالسهم الصاب عزنّه=صوّب گلوب الموالي ولعند إمصابه الأملاك=الدمع صب الچان غالي يوم أبو الباقر فجعني=غيّر ألواني او حالي شيريد من عدنه الدهر متعادي ويّه أهل الفخر خله الدمع يجري حمر=من سويد العين هالي اليوم أصبح الدين=إيعزّي المسلمين بمصاب المچنّه جبد حامي الحميه زين العباد إبحياته ما=چسب راحه ورفاهه المرض روحه إمن=العباده إتگول متحالف إوياهه وأشد ما شاهدت عينه=الشام حين اللي لفاهه وإتلگته إبطبل إو زمر إمعيّده وتظن حازت نصر ويزيد معلن بالكفر=إتمايل الطاغي وتباهه دلالي إرتاح=صاح النذل صاح وإحنه ظفرنه إبذوله الخارجيه تنظر السجّاد عينه=لعد عماته سبايه والأطفال إمچتفيها و=كل فرد منذهل رايه وراس أبوه يبره الظعينه=إعله الرمح بين الروايه يا ساعد الله مهجته شتحملت ذل چبدته الشام أهلها إتلگته=إمأثره بيها الدعايه طبّوا إبيا حال=تتلاوع أطفال دموع الفواطم تتجاره خفيه يا مصيبه اللي تهون=إعليه ويتحمل أذاها؟ حل عمّاته يهون=الهضم والذل العلاها؟ لو أطفال اللي تلوع=وثوب غربتها چساها؟ وزينب بنت فارس مضر متربيّه إبحجر الفخر خان الدهر بيها إوغدر=عگب عزتها سباها ما حاسبه إحساب=إبها السهم تنصاب توگف إبديوان ميسوره وسبيّه جابوا العيله إبخرابه=نزلوها واليتامه الشمس بوجوه اليتامه=يالمحب سوّت علامه وابو الباقر كله هذا=إيشاهده إبعين الإمامه صابر على حكم الجره شاءت الباري إمقدّره بالورع گلبه صبّره=والگلب زايد ضرامه والرب العباد=وجّه السجاد أمره إوخطابه الرب البريّه وگف بالديوان عزك=يالمحب عمّته ابكتره وما أظن إيزود صبره=إحسين عالسجاد صبره چشف عن راس الحسين=إيزيد ويلبّج إبثغره ليزيد زينب حاجته يا ثغر إيدك ضربته لو ما الباري رادته=ماصبت چبده الزهره وسلوة المختار=ومهجة الكرار إنشلّت إيدك يالضربت ابن الزجيه غاية السجاد چانت=غامضه إوبيّن أثرها إبمجلس الطاغيه المجرم=راية الحكمه نشرها عرّف الوادم إبنفسه=إوعيلته (إيزيد) اليسرها وعوده اللي راسه ينضرب والجثه ظلت عالترب روح إلرسول الله وگلب=للنبي سيد بشرها اليوم أصبح الكون=متغيّر اللون إلفگد المشكر وراعي الحميّه