المسير إلى كربلاء أگبلت هاشم تسج بظعونها=للشهادة إبكربله يردونها أگبلت هاشم تسج لرض الطفوف=وتسري ويّاها المنايا والحتوف للظعن لمّن تصد زينب تشوف=حافين إشبول هاشم دونها تصد للعباس تزهر غرّته=عين يمين الظعن تخفج رايته إتگول ممشى الليث حيدر مشيّته=وسطوته كل الملا إيعرفونها تصد للأكبر إبچفه مرهفه=عن يسار الظعن عوده وظّفه يمشى ممشى الطهر جدّه المصطفى=والهواشم زينب إيبارونها تنظر الجسّام متوسط الظعن=نور وجهه ومرهفه يتلامعن يمشي ممشى المجتبى عوده الحسن=والنشامه إرماحها إعلى امتونها والصحب كل فرد منهم مرتدي=بالفخر وبنور وجهه يهتدي ودون محملها الطرمح إيحدي=وهاشم إليوث الوغى إيحفّونها إبظعن زينب حافّين أهل الفخر=لمع ضيّ إوجوهها إيخجل الگمر هاشم اوخوّاضه الموت الحمر=والحرايب خاتمين إفنونها إستبشرت زينب ونادت ياهله=بخوتي البوجودها الممشى حِله إبهالمعزّه وهالجلاله إلكربله=إنزلوها وكلهم إيحامونها ما شخص لخيالها إبعينه نظر=والخدرها لا تگول أحّد جسر إلا بعد الظهر عاشر بالشهر=من هوى حسين وتزلزل كونها حين فگدت شخص واليها الحسين=للمعارة فرّت وتدمع العين إتصيح يا تالي العشيره طحت وين=يا ذخر زينب ونور عيونها وليلة الحادي عشر أمست شلون=لا حسين ولا أهلها إلينتخون لا بگه العباس لا جعفر وعون=ولا علي ولا جاسم إيلبّونها ولا أصحاب ولا أطناب ولا خيام=ولا گرابه ولا عشيره ولا عمام بين طفله وطفل تتلاوع أيتام=إتگطعت مِنّ العشيره إظنونها