قدسية كربلاء إنشد إنشد كربله وآثارها=واسأل التأريخ عن أخبارها إنشد إنشد كربله وأخذ الخبر=عن ذكرها الدام ما دام الدهر بالأبه والمجد والعز والفخر=حگها تفخر ببن سيد أحرارها إنشد إنشد كربله وكل الأنام=بيمن إتنوّرت من بعد الظلام إو عدّمن إتودّعت أسرار الأحكام=وكربله مركز جميع أسرارها إنشد إنشد كربله عن الهشرف=إمنين إجاها وبيها دين الله إنعرف أشرف إمِن البيت والبيت إعترف=إبكربله وكربله الباري إختارها يالتريد إتشوف بيمن كربله=إرتفعت ونالت رفيع المنزله وأصبحت رمز المچارم والعلا=والإسلام إتجهت إلها أنظارها كربله إنشد يمن عندن يقين=إشهالكرامه إنطاچ رب العالمين إتگلك آنه أتشرّفت بسم الحسين=وصرت للخايف حمه إمن أشرارها كربله آنه وأخبرنّك أريد=عن سبب هالشرف والعهد المجيد أرض قفره چنت وحسين الشهيد=أفتخر بسمه إعلى كل أمصارها حسين أبو السجاد حط بأرضي ونزل=أدركت بيه المنى وزودي كمل من أرض مكّه ومنى ليّه إرتحل=وتبعته الطيبين من أنصارها إتشرّفت أرضي وزهت وتباشرت=بأهل بيت النور والدنيا أزهرت شمس ونجوم وگمر ليّه سرت=حطت إو حط القدر بجوارها شمس چنه حسين إبن سيد البشر=إينور والعباس إبن حيدر گمر والنجوم إشبول عدنان ومضر=إتصلت إبنور النبوّه أنوارها نزل ثاني يوم من شهر الحرام=إفرحِت والعادة الفرح ماله دوام ويوم عاشر حاطت جيوش اللئام=بالمخيم من جميع أكتارها الشام والكوفه ونواحيها إطلعت=وكل سواد البادية إوياها إفزعت وعلى جتل حسين كلها إتحاشمت=وبالضلاله إتحزّمت فجّارها خطب بيهم شاف ما فاد الخطاب=وبيّن إلهم حر جهنّم والعذاب غير رمي النبل ما ردّوا جواب=إتوزّرت بالشر وشرها إوزارها زحفت وبگلوبها الغي إنطبع=إتحاشمت من كل كتر شدّ الفزع على چتل حسين دافعها الطمع=والطمع ذلها إو غشى أبصارها كربله آنه وأخبرنّك إشصار=بالحسين إبن الوصي حامي الجار وبالبدور المزهره وباقي الأنصار=إلحيت دين الله إوفدت أعمارها وگفة الحگ وگفت وصار القتال=بينها وبين العدا طال النزال استشهدت وجسومها فوگ الرمال=بگت صرعى إمخذمه بشفارها گضت كلها إبرضا الباري ورادته=وبدماها الدين رفعت رايته إنشد إنشد عنها سورة (هل أتى)=إنشكر مسعاها وحظت زوارها يالتناشدني إعلى عزّتي وهيبتي=بالحسين وگمر هاشم عزّتي وبالأنصار وبالهواشم طينتي=طابت وطيّب الباري أثمارها بالمجد شاني إرتفع طول الزمان=كربله آنه ونلت أعظم الشان ولجل أبو اليمه إلبست ثوب الأحزان=وعلى الگطعوا يمنته ويسارها والذي شيّد أحزاني للحشر=وصابره أبگه ولو مرّ الصبر على الظلت حايره إبذل اليسر=الحرة زينب بت علي كرارها إنظر إنظر كربله ومجرى الزمن=جنّه صارت بيها أبو اليمه إندفن وإشتراها إبدمه وبأغلى ثمن=وما سوى الباري عرف مقدارها إگصد إگصد كربله إلملها مثيل=إلبيها مرقد وارث علوم الجليل إبكربله والزار إبن حامي الدخيل=النار متمس العليه إغبارها ومن تطب إتزور أبو اليمه الشفيع=إنشد إعلى الطفل عبد الله الرضيع شنو ذنبه أضحى بدمومه نجيع=آه نبلة حرمله ويانارها