بضعة الرسول الأكرم () أصبحت عيني تكت إعبارها=عالضلعها بي نبت بسمارها من عگب عينك يبوها إتجسّرت=أمّتك والدارها إبغيها إعتنت إباب عتبة دارها نار إشعلت=وما رعت حرمه لعد كرارها أصبحت تندب إبأسمك يالرسول=إبكثر جور أمتك الصار إعلى البتول عگب عينك گامت إعليها تصول=إو سگطت المحسن إبعتبة دارها الچانت بعهدك إسلام إتمرّدت=والوصيتك يبو إبراهيم إنكرت ولعند الشيطان والحزبه إتبعت=ونقضت البيعه جميع أشرارها هانت البضعه وسگط منها الجنين=وسحبت الكرار أمير المؤمنين إبّند سيفه يا زعيم المسلمين=أمتك النجيتها إمن أخطارها طلعت الزهره وراه تبچي وتصيح=خلوا إبن عمي ومدامعها تسيح إشعجب لسه السمه ثابت ما يطيح=والأرض ما تنچفي إبفجارها تبعت الكرار والدمعه إهملت=ردته سالم الداره إو أمّنت فرد زينب من للحسين إعتنت=شافته إموزّع إبّحد أشفارها نادته يحسين يا نسل الطهر=گوم من عندي فلا لك كل عذر الخيل هجمت عالخيم گامت تكر=جيوشها إو وجرّت بيها نارها ناده يا زينب يباجي كل هلي=ردي للخيمه وإحفظي لي علي إتودّعت بيه الإمامه ولا ولي=بگه إعلى الملّه إبأمر جبارها شلون ترجع واچفه وإمحيّره=بگت يمّ حسين والمدمع جره ترد للخيمه ويظل فوگ الثره=حسين مثل الشمس بين أقمارها شلون حالة بت أمير المؤمنين=ردّت وظل الگلب عدّ الحسين إشعمل عمله بينها أو بينه البين=گطع سلك المتصل بنوّارها شافت الواجب تسّدر للخيم=إتشوف ما ظل اليحامي إعلى الحرم إتكلفت عگب الولي راعي العلم=وتجمع العيله الكثر طشارها