شعراء أهل البيت عليهم السلام - يا ركن للدين هاليوم انهدم

عــــدد الأبـيـات
25
عدد المشاهدات
2086
نــوع القصيدة
عامية
مــشــــاركـــة مـــن
تاريخ الإضافة
26/01/2010
وقـــت الإضــافــة
2:32 مساءً

يا ركن للدين هاليوم انهدم=يا متين بعروة الوثقه انفصم هذا نهجك يا علي ومعروفه=سيرة التاريخ بي موصوفه بده بالكعبه وختم بالكوفه=واعلنت فوزك رغم جرح الالم واعلنت فوزك شمخ فوگ الثره=فوگ عالي العلى شخصك حيدره يا امير الكون دنيه واخره=عهد بالذر فوزك لشخصك قَسَم انته نورك توأم لنور الامين=وانته قطب المعرفه وعلم اليقين انته من عاداك تايه ماله دين=والحقيقه اصبحت واعدائك وهَم واصبحت ايمان قرآن الوجود=شخصك المنهاج تاج عله الخلود منهو مثلك يا علي بفصل السجود=اختاره رب الكون بسنينه ختَم اختارك الرحمان ( يا خيرَ ) ولي=ولي للامه ينصبك يا علي افدي شخصك كل حياتي وكل هلي=روحي لبّت يا علي وصاحت نعم نعم صا حت بايعت حيدر امير=بثر خطواتك ونيشانه تسير جرحك بهل اليوم مذهوله تصير=وانذبح گلبي بشراينه انخذم وانذبح بجروحك اليوم الملاك=نزل عالامه غضب يوم الهلاك فيض دم محرابك القدسي عِلاك=ودّعك محرابك الناحب ندَم ودّعك واستقبلك دمع الرسول=بصوت جمر الحزن ناده عله البتول شوفي جرح المرتضه بوصفه يطول=شكثر تصبر روحي بويه شچم وچم تگابلِت وي حيدر اتناوب دمع=اشكي جرحه وهوه يشكيلي الضلع من نگول الآه بحمد تنشلع=روحه تنصاب بالف ضربة سهم بالف ضربة سهم صوبني الدهر=زينب تنادي انكسر عندي الضَهَر بويه جمر امصابك بكلبي استعر=مرد چبدي الجرح كل حيلي التهم مرد چبدي وما بگه بروحي صبر=شيبتني ويتمتني من الزغر بويه يا بويه گرب عيد الفطر=وانته مبعد والحزن ليله هجم انته مبعد والنوايب چلچلت=لاشفت يا بويه واعيوني انعمت بدمك الشيبه الكريمه اتخضبت=ريت راسي اطّبّر وراسك سلم
Testing