گلب زينب صبح للطعن محراب=عليهه الدهر والايام محراب ابوهه الماترك لاعاف محراب=وليد الكعبه محرابه المنيه وليد الكعبه راضع لبن امّه=علي وبس النبي المختار امّه علي بيوم القيامه لوحده امّه=فخر وعله الامم حامي الحميه فخر وعله الامم يصبح علينه=يناصب لاتذب حملك علينه علي بنهجه ارتفع ووياه علينه=وجنات بعدن نگعد سويه جرح لا هّود بهل الروح لاطاب=يضل يدّي ولذيذ النوم لاطاب حرت وبعتبة المحراب لاطاب=ولا راجع وحيل الخان بيّه يسِم اللي سره بجرحك يسمني=عدِل نصين ياحيدر يسمني جسم محروگ عندي وضل يسمني=تحرگه النار يوم الغاضرية اريد انصب حزن ماصار بالدر=عله الموصوف يا هل الخلگ بالدر زماني وجرح هذا اليوم بّدر=شراييني ومردني بهل المسيه