دلالي هالليله انصاب=بين الضلع والمحراب شحسب شعد اجروحي=يا بويه ذابت روحي بين الضلع والمحراب آنه ويه روحي من الزغر=متكدره ومتحيره نار وي شوغت هالوكت=جمره باثر كل جمره اخنگ حسرتي بريتي=واطويهه جوهّ العبره لمّن ثگل ضيم الدهر=گلبي انفطر من صبره جرحك هدم حيلي ومرد=چبدي بونين الزهره والدهر ضل بيامه=يرمي عليّه اسهامه واصدّعت يا بوحسين=واجسّمت بالنصين بين الضلع والمحراب يا من عفتنه وسافرت=وشخلّفت بينه مصاب وبعيني اشبح عالنعش=وبگلبي يابويه اعتاب انته العرفتك للحرب=والكلفه يا داحي الباب حيدر يهز الملحمه=من هالاسم كلهه تهاب يانقمه نزلت بالغضب=يا سد قسور وثاب نار وتشب بضلوعي=واهمل يبويه ادموعي يا بويه جفني الماغفه=اسمع ونين المصطفه بين الضلع والمحراب اسمع ونين ويه الصده=من يثرب اگبل يحدي جاك ويصيح عله النعش=بلجن عليّه اتهدي تدريني مكسورة ضلع=ويا جرح بيّه اليدي صواب النجف ما ينوصف=غرّز انيابه بچبدي خليني اودع المرتضى=واشكيله كل العندي خلني انوح اعله النعش=خليني الطم خدي خلني بس هذا اليوم مظلومه تشكي لمظلوم خلني دمعه ويه الجفن=خليني ابث هذا الحزن بين الضلع والمحراب كل جرح لو مر الزمن=لابد يطيب ويلتام وبروحي اضلّن بالدهر=جرح الضلع والضرغام لو روحي طگت بالحزن=يا بويه لا ما تلام كل شيعتك يا بالحسن=هالليله صارت ايتام ون عله محرابك ضلع=ونت اعليه الايام ناده بجفن ليل الحزن=وينك يفجر الاسلام وينك يحمّاي الجار=اگعد وشوف اللي صار چم سهم صاب الشيعه=جددّوا هاي البيعه بين الضلع والمحراب ماضنتي من هذا الدهر=ما حسبت بوهامه يل اليتمت كل الفلك=دار الفلك بايامه يل اليتمت شهر الكرم=ما تممت بصيامه منهو اليعايد بالفطر=بيت الولي وايتامه منهو الينشّف دمعتي=واغرگ فرح بحلامه بعيد الفطر بويه الدهر=يرشگ حزن بسهامه بعيد الفطر كل الناس=مهمومه يا بو العباس تسچب دمع فوگ الوجن=ناحت حزن يا با الحسن بين الضلع والمحراب