يا وصي المصطفي وبرهانه = خلاف نعشك هالدهر مشّانه يا وصي الدين يا نهج الاصول = خلاف نعشك شيّعك دمع الرسول عليك فاضت بالحزن روح البتول = ضلت ابحر الحزن غرگانه ضلت ابحر الحزن تنعه المصاب = تندرج آياتهه بأم الكتاب ونت الزهراء من هذا العذاب = ما يحل لمّن يحل قرآنه مايحل هذا الجرح جرحك علي = يا فتى الاسلام ياخير ولي همّي ضل طول الدهر ما ينجلي = لمن ما مهدي يشع عنوانه ما يحل هذا الجرح طول الزمن = لمن ما يلتحم چبدك يل الحسن عيوني ما غمضن ولا طاب الوسن = يوم دين احمد هوت اركانه يوم دين احمد صفت ضده الالوف = وگفت احسين الوگف بارض الطفوف عالنهر عباس مگطوع الچفوف = لاخته زينب اشر بذرعانه ما يحل هذا الجرح لا ما يطيب = جرح الاكبر جرح جسام الحبيب طفل بأول مهده يا وسفه يغيب = جرح ما يندمل ضل نيشانه جرح ما يندمل وحسينك ذبيح = جرح مايندمل عباسك يطيح جرح ما يندمل زينب من تصيح = وين ذاك اللي قلع بيبانه وين حيدر وين حمّاي الدخل = عالكفر سيفك جريم وما بخل فوگ گاع الطف غده حسينك وصل = گوك وانهض يا اسد رجوانه گوم يا حيدر علي حامي الجار = شوف بالطف والحرم وشبيهه صار خيل هجمت والخيم شعلوهه نار = تيسّرت يابويه من يرعانه