يجراح انتخيتك توصف الحالة = مروتك لاتخيّب گلبي وآمالة يجراح انتخيتك للجرح شوفه = دضمده ولا تخلي اباللك اتعوفه گطع شريان گلبي وروحي مخطوفه = تهم لهل الجرح واعيوني همّاله تهم لهل الجرح واعيوني سچابه = يجراح الگلب شوصفلك اصوابه جمر هذا الجرح نيرانه لهابه = مرد چبدي بسهامه وگطّع اوصاله يجراح انتخيتك للجرح شده = يجراح الجرح گلبي ارتهن عنده يگللهه الجرح ما مش دوه يضمده = يزينب هالجرح باوصافه چتاله يزينب هالجرح واهوايه حيل اغميج = عريض ولا زوايا التنعگد واضيج يجراح بوصفتك نشفتلي الريج = خذف گلبي بكلامك هذا واهواله يزينب والجرح واسع دليلي احتار = ابد ما يرهم اخياط واشدله ازرار كلف ما يلتم شما اجمع الاكتار = واضن حيدر يغيب ويخسف اهلاله يزينب هالجرح ما يلتم وينزر = كلف وشما اشدن ينفتگ بالجر واخاف المرتضى بهذا الالم ينضر = اناظر عالجرح بس واگف اگباله يجراح بوصفتك طاحن اصروحي = اعله هونك ما بگت تتحمّل اجروحي هوت بيبان گلبي وفرفرت روحي = عَله الوالد علي المامش غده امثاله عله الوالد لهيل عله الخدود اتراب = واشم اثار خده العفّر المحراب واگله اشگد كلف جرحك يداحي الباب = عسن لاطال عمري وگربت آجاله عسن عيني انعمت لا شافت المصرع = بعد لاطاب ليلي ولا جفن يهجع يبويه بكل صبح اتنطّرك ترجع = يضل شخصك علي واعيوني تبراله