واختنگت روحي بهل العبره=من شافت آثار الطبره من شافت جرحك يا غالي=صاحت روحي بصوت العالي انته الوالي وتبگه الوالي=جرحك يا حيدر ما يبره ما يحمل گلبي الجرحين=صحت بصوت اعله الصوبين الحگني يا خويه احسين=گلبي اتفطّر مل من صبره ضلع امي وجرحك هاليوم=فطرن چبدي وضلن دوم روحي اعله المحراب تحوم=انظر يا بويه اخر نظره انظر يا بويه لمحرابك=موحش مظلم ضل بغيابك اسجد واتعّفر بعتابك=شميته ومخنوگه بحسره بترابك يا بويه اتعفّر=شميت وضميت المنبر لو يجبّر جرحك حيدر=چان اتجبّر ضلع الزهره ما يجبّر ضل للتالي=جرحك شاخص ضل يبرالي ياحيدر جرحك چتالي=ضلت بالبلعوم الجمره حيدر توديعه بهل الليله=جرحك يرويله ويحچيله للمختار احمد يشكيله=والمختار اعرف بي وادره يا شيعة حيدر واسوني=بيكم لا ما خبت اضنوني بالدم هل دمع من اعيوني=يجري اعله الكرار وگبره صوت اترّدد ضل للمحشر=يصرخ يا حيدر يا حيدر يوم المحشر بسمك كبّر=يكشف عن اسمك عن سره