تذوب اعيوني من كثرة بواچيهه=تنوح وتنتحب روحي عله واليهه تنوح وتنتحب عالوالد الغالي=تشوفك بالنعش متمدد اگبالي تروح وتبتعد وتعذب احوالي= يبويه الروح عشعش هالحزن بيهه تنوح وتنتحب عالوالد المحبوب=يوالد من اجلّب راسك المصيوب احس روحي ودليلي وكل چبدتي اتذوب=يبويه الروح بعدك من يواسيهه اجلّب بيدي وانظر طبرة الهامه=وانوحن عالولي الماتمم اصيامه يجافيني الدهر من غابت ايامه=ودنياي المست وحشه بلياليهه دنياي اصبحت شدة بأثر شده=ابوي الماصعب حل معضله عنده ابوي المايمل والماتعب جهده=وتشهدله الملاحم سيفه يرديهه تنوح وتنتحب هالليله ايتامك=جريحه ونوخت من شدة الامك واخبرك يا علي متأثر اسلامك=غريب بديرته وظلاّمه حاديهه غريبه الروح وانظر حيدر امچانك=يبويه العيد مجبل وانطر احسانك واشاهد گبرك وحل بيهه دفانك=يهيل اتراب تغرف كل مساحيهه يهيل اتراب وانته عله اللحد نايم=يدولبني الزمن من ظالم لظالم قصتي ويه الحزن طول الدهر چاثم=وراس احسين فوگ الرمح يرويهه