يـوالـد چبـدتـي انـصـابت         شـمـسك بـالحزن غـابت
اسچب عـالنعش دمـعات         اشـوفـك لابـعـد هـيـهات


يــوالـد غـربّـت شـمـسك         عــمــر خـلـصـن لـيـالـيه
يــوالـد گابــلـت نـعـشـك         بـجـفـن مــامـل بـواچيـه
يـــوالــد اگعــــد لــبـتـك         يـتـيـمه واصـبـحـت هـيـه
يــوالـد فــرگتـك صـعـبـه         كـلف جـرحك يـمض بـيه

كـلف جـرحك يغيبك دوم         كلف جرحك ذبحني اليوم
اشـوفك بـالنعش مـمدود         كـطعت الضن بعد متعود


صـعب شخصك بعد عني         بـفـراكگ دلـيـلي انـصاب
يـوالد وحـشه دارك صـار         چنــت اتـنـطرك بـالـباب
بــعـدك اظـلـمت دنـيـاي         عگبـك مـوحش المحراب
روحـي وشـهگة الملهوف         يـغـرزههه الـدهـر بـنـياب

يـغـرزهه الـدهر بـسيوف         انـهـض يـاذخرنه وشـوف
يــوالـد فــرگتـك كـسـره         نـــداوي الـخـله بـالـعبره


يــعـيـد بـيـاعـذر عــنـدك         تــهـل وحــيـدر الـغـايـب
يـعـيـد بــيـا فــرح تـجـبل         گلـبي مـن الـحزن ذايـب
نـاحـت بـالـسمه الأمـلاك         وبــالأرض الـمحب نـادب
گلــب الـلـي يــود حـيـدر         بـنـيـرانه اسـتـعـر لاهــب

لـون مـرهم تـصير الروح         اخــذه لـراسك الـمجروح
تـدري بـكل گلب مفجوع         صوت ويه النبض مسموع


بـيـن الـكـعبه والـمحراب         حــيـدر ثّــبـت الـبـرهـان
غـايـه وصـارت مـن الـذر         مـايـدركـهه كــل انـسـان
يـوالـد والـنعش مـحمول         جـسمك يـحوي لـو قرآن
يــاآيـه وحــويـت الـكـون         عـجـب يگدرلــك الـدفان

عـلـي بـيـن الـتراب تـنام         عـلـي يـحـتاجك الأسـلام
يـتـيم اصـبـح تــره بـلياك         كــل يــوم الـيـمر يـنخاك


كــل يــوم الـيـمر يـنخاك         عـلـي يـا صـاحب الـشده
عـلـي الـمايعرف الـكلفه         وحـــل الـمـعضلة عـنـده
طــوفـان الـكـفـر داهــم         بچفـوفـك عـلـي اتـصـده
رديــت الـشمس يـا حـيد         اگعـــــــد لــلــعـمـر رده

رِد الـشـمس لــو غـربت         شـيعه ويـه الظلم صبرت
صـبرت عـالذبح والـموت         وتـنـادي بـرفـيع الـصـوت