يا القاصد القبر احسين أريد أنخاك = تاخذ هالرساله لو رحت وياك رسالة شوق إخذها يالنويت اتروح = كاتبها ابدمعتي و قلبي المجروح و بيها اهموم دنيايه و عذاب الروح = أمانه هالرساله امسلمه ابيمناك أمانه ابذمتك لازم توصلها = أريدك قبته ابلهفتك تدخلها و العتبه عوض عني تقبلها = تقله أحباب الك بالغربه ما تنساك ما تنساك قله اشما جره اعليها = و من ضيم الزمان اشما يراويها ما تقطع لطمها و لا بواجيها = و بدموع المنابر كل وكت تنعاك و اقصد مذبحه الفاض ابدمه نحره = و إخذ بيدك اترابه و اجذب الحسره و عوض عني أريدنك تشم قبره = و صيح بصوت عطر الجنه عطر ادماك يا عطر النشمه جنك المصباح = و كل همنه و حزنه البقلب ينزاح تغربنه و عله الماضي ندق الراح = و فارقنه الأمل ساعة الفارقناك نتذكر الماضي و ندق ايد بأيد = لا حيف البعد ينفع ووسفه اتفيد اولادك اشلون انزورك من ابعيد = يا اليمك ربينه و عمر جاورناك لو نفرض المال الراح يتعوض = شيعوض العمر يا حسين لو قوض امن الباري و الك هالأمر يتفوض = لو نقطع رجانه لو نظل برجاك ما صدق رجانه منك انقطعه = يا حجة الباري و رحمة الوسعه عليك أقسم بضلع الطاهره البضعه = و ابجف الحمل بالغاضريه الواك عليك أقسم بخاطر زينب المكسور = و ابدمعة رقيه و طفلك المنحور يا يوم الضريحك نعتني و انزور = نذر يوم النعود ازحوف نتعناك لو نحجي النريده و نكشف المضموم = و انبين اشبينه من ألم و اهموم اصوابك ينلجم يا حسين يا مظلوم = و بعتاب لمفارق لون عاتبناك عله الباري قسمنه ابصدرك ابدمك = و اسكينه العزيزه و الأعز أمك مطلبنه نريد إلنه قبر يمك = و يواطينه التراب الطاهر الواطاك