النفس تعلم بالقيامه شقدمت وشأخرت
شتعتذر لو ينشدوهه شلون باعت واشترت

ماسفيه الراي غير اللي توثق بالدهر
يظن ماتنفني الدنيا خابت ظنونه وخسر
غرس شجره طمع بيهه ومنهه يترجه الثمر
اظن ماسامع اخبار اذا العشارعطلت

لاتجسر علمعاصي وياخذك بالله الغرور
خمس وزكي امورك واحتسب كون ونشور
لايغرك حسن دنياك تره الدنيا تمور
يميد تشييد البناء اذا السماء انفطرت

يمن بالميزان تطغى وعن قسطهه منحرف
أبخس الاشياء شتفيدك من موازينك تخف
يمن بزهره ايامك وبهواهه منجرف
شتفيدك زهره الامس اذا الشمس كورت

انتبه واجمع افكارك بالجهل لاتنغفل
لاتحزب للضلاله ولاتلم للغي شمل
تنفصل كل الاحزاب وشمل ثابت مايضل
ماسوى الباري يدوم اذاالنجوم انكدرت

حرم اخذ الربا الباري وبيه بعضا عاملين
الويل الكم يامن لحق اليتامه غاصبين
شلون تنكر هالجريمه وعلى متونك كاتبين
ابد ماتخطي بحرف اذا الصحف نشرت

والذي يحضر شهاده ومن شرعهه يختلس
يشارك المذنب بذنبه ومن ذنوبه يقتبس
والذي بدنياه طاغي ويستحل قتل النفس
شيعتذر لو صار سؤاله بأي ذنب قتلت

الما يموت على الولايه بالشفاعه ميحضه
ابد مايجزي الصراط بغير صك المرتضى
حطب لجهنم يصير ويطمرونه باللضى
ويشرب الماي الحميم اذا
الجحيم سعرت