فدوه لحسين اقدم كل بنيني = وانسى الهموم لون سالم يجيني بعد شصبر واتأنى = كسر قلبي زماني فدوة لحسين اقدم كل بنيني عمري قضيته آنا منتظره = حلم إخلاصي هو اللي يفسره والله لو عندي من الولد عشرة = كلهم اهديهم فدوة للزهرة عالسراط اعبر وانا مفتخرة = وبوجه ابيض لاني مبتشره انا ادري لبو اليمه وفائي = باشر آخذ من الزهرة جزائي لجن هايج حناني = كسر قلبي زماني فدوه لحسين اقدم كل بنيني = وانسى الهموم لون سالم يجيني بعد شصبر واتأنى = كسر قلبي زماني فدوة لحسين اقدم كل بنيني ودعت صبري بيوم ودعته = من مشى عني ليلي مانمته واللي يجي والراح عنه ناشدته = ينعى ناعيه لمن استمعته صحت ياناعي حيلي هدمته = بالله خبرني حسين هم شفته من عرفني وعرف غاية سؤالي = ناعي المصاب صفق بيده وبجا لي بعد ذيك الأماني = كسر قلبي زماني فدوه لحسين اقدم كل بنيني = وانسى الهموم لون سالم يجيني بعد شصبر واتأنى = كسر قلبي زماني فدوة لحسين اقدم كل بنيني احتار شيقلي من نظر حالي = حرمه مهضومه بحسره الوالي راحوا اولادي بيتي ضل خالي = غير ابو السجاد ما اجا ببالي فدوه اولادي لو اجى الغالي = لو فقدت حسين افقد آمالي عني لو راح بعد شاللي بحياتي = قبله ياريت تحل ساعة مماتي سهم فقده رماني .. كسر قلبي زماني فدوه لحسين اقدم كل بنيني = وانسى الهموم لون سالم يجيني بعد شصبر واتأنى = كسر قلبي زماني فدوة لحسين اقدم كل بنيني مصاب فقد حسين ماكو مثله مصاب = جدد عليه حزن يوم الباب عاشرت نوحي دمعي السجاب = جبدي ياريته قبل جبده انصاب جرحي اللي بقلبي ينزف وماطاب = تهمل دموعي ذكري من ينجاب غالي عندي ولا ساعة نسيته = بالمناحه عمري كله قضيته لمن موته لفاني = كسر قلبي زماني قابلت زينب باللطم والنوح = قمت انشدها والدمع مسفوح من القفا تقلي منحره مذبوح = مسلبه هدومه وجسمه كله جروح عالرمح راسه وياضعني يلوح = وانا اقول شلون بيه ضلت روح من سمعت بخبر امه الوديعه = لبني عباس تعنت للشريعه تقله امك آني = كسر قلبي زماني فدوه لحسين اقدم كل بنيني = وانسى الهموم لون سالم يجيني بعد شصبر واتأنى = كسر قلبي زماني فدوة لحسين اقدم كل بنيني جان كل ضني لو يذبني البين = انتخي بعباس والعزيز حسين بين اللي يغمض بيده جفن العين = بين اللي يقل لي يمي شتوصين قطعت قلبي قطعة الجفين = بعد ياهالناس صبر اجيبه منين لسى موجود اثر عندي على صبري = رمز المصاب يضل ياشيعة قبري يهل دمعه اللي اجاني = كسر قلبي زماني فدوه لحسين اقدم كل بنيني = وانسى الهموم لون سالم يجيني بعد شصبر واتأنى = كسر قلبي زماني فدوة لحسين اقدم كل بنيني