ريح ضميري من الالم ما ظلت امال = مو بيدي خليت العلم طايح بالرمال ما عندي جفين سامحني يا حسين مسموح اخويا للابد من قلبي مسموح = لكن بعد حق للجسد يعتب على الروح خايف عليا من هالبلد يرموني مذبوح = اللي يخاف على احد ما يعوفه ويروح تعرفني وياك بدرب من بادي الايام = لكن بلا القربه صعب ارجع للخيام اتعذر منين ؟ سامحني يا حسين ريح ضميري من الالم ما ظلت امال = مو بيدي خليت العلم طايح بالرمال ما عندي جفين .. سامحني يا حسين اتنفس جروحي وشجن ما ظلت انفاس = والغربه مو بعد الوطن الغربه احساس وانا اللقلت عقب الحسن ظل عندي عباس = ترضى على خيك بالزمن تتشمت الناس ؟؟ ما ارضى لو يرضى الصبح يتلاقى بالليل = لكن حنانك ع الجرح سال الدمع سيل والنبله في العين سامحني يا حسين ريح ضميري من الالم ما ظلت امال = مو بيدي خليت العلم طايح بالرمال ما عندي جفين سامحني يا حسين ذكراك ودلالي سوى ما اقدر انساك = فرقاك وموتي بمستوى ميت بلياك المصيبه مو بس اللوا ويمناك ويسراك = المصيبه لو قلبك هوى من يرفعه ويايي ؟؟ اسم الله على قلبك والسهم في قلبي يا رب = محد من وجودك اهم خل دمي ينصب الهامه نصين سامحني يا حسين ريح ضميري من الالم ما ظلت امال = مو بيدي خليت العلم طايح بالرمال ما عندي جفين سامحني يا حسين مو ظهري بس اللي انكسر هم قلبي مكسور = لو قلبك القلبي اعتذر جاوبته معذور بس ويا زينب شالبصر من تقطع برور = واللي فقد شمس وقمر ما ينتظر نور قلها اصبري علي انكتب لو هالصبر نار = ما ينفع الحين العتب صار الذي صار من يحكم البين ؟ سامحني يا حسين ريح ضميري من الالم ما ظلت امال = مو بيدي خليت العلم طايح بالرمال ما عندي جفين سامحني يا حسين