يـتـيـمة الـغـريـب حـسـيـن رقـيـة تـصـيح يــا زهــرا         جـــدي ســـاﮔي الـكـوثـر و بـويـه مــا شــر ﮔطــرة
نــوايــب رحــلـتـي لـلـطـف بـاسـولـفها يـــا جـــدّة         أبـويّـة انـداسـت ضـلـوعه و حــر لـتراب أكـل خـدّه
و زيـنـب عـمـتي صـلّـت صــلاة افــراﮔه مـن ﮔعـده         مـصاب حـسين مـن ﮔلـبي سـلب كـل ﮔوته و صبره
سـولَـف لــي الأبــو عــنﭻ يـجدّه و خـدّﭺ الـملطوم         و خــدّه مـثـلﭻ اتــورّم و شـيـبه اتـخـضب بـلـدموم
مـظلومة انـتي يـم حـسين و حـسينﭻ بـعد مـظلوم         بـالـباب انـهـشم صــدرﭺ و بـالـخيل انـهـشم صـدره
أبـــوﭺ الــهـادي يـــا جـــدّه عـــد مــا ﮔرّب انـزاعـه         بـكـلامـه ســرّﭺ و ضــمﭻ لـصـدره بـسـاعة وداعــه
و انـي بـنزاع أبـويّة حـسين سـمعت اتـكسّر أضلاعه         أبــويـه شــلـون يـحـضنّي و لـمـثلّث خــرﮒ صــدره
أبـــوﭺ الــهـادي يـــا جـــدّه ﮔضـيـتـين الـعـمر يـمّـه         و ﮔبـرﭺ يـم حـبيبﭻ صـار و جسمﭻ صار يم جسمه
أمــا حـسـين صــار بـعـيد عـنّـي و عـن أبـوه و أمـه         و بـعـد مــا حـبّه فـارﮔني انـفنى عـمري بـعد عـمره
جـسم الـهادي اتـكفّن و بـوية حـسين جسمه انداس         وراس الـهادي مـا فـصلوه أمـامﭻ واكسروا لضراس
و اني لمن بغيت حسين جابوا لي في طشت الراس         أبـــوﭺ بــمـاي تـغـسـيله و بـويـة غـسـله دم نـحـره
مـسح بـيده الـنبي راسﭻ و سـكّن روعـتﭻ و النوح         و بـويـة مــا مـسـح راســي يـهدّي مـني روع الـنوح
و بــوﭺ أتــوارى بــس بـويه ثـلة أيـام ظـل مـطروح         و أبــوﭺ اتـشـيّع الﮕبـره و بـوية ظـل عـلى الـغبرى
قـبّـلـتي الـنـبـي و راســه مـاهـو امـجـرّح و مـفـري         و بـويه حـسين مـا أمـكن أقـبله و جـسمه دم يجري
ابـحجره راسـي مـا خـلاه و مت و راسه في حجري         متحسرة انتي عالمختار و اني اعلى حسين متحسرة