يبني يا عباس للشاعر: سلمان جمعة ليلة عاشر ابلحزان=جت الكربلة الزهرة وصدّت لن تشوف احسين=محني امن الحزن ظهره گامت تنظر الوادي=بيه اجيوش ما تنعدْ كلها اجتمعت اعلى احسين=وشملها الذبحته اتوحّدْ صبّت دمعها او صارت=أم الحسن تتنهّدْ وش بيدي على المظلومْ=گرّب ينخسف بدره أو من لاحت اگبال احسينْ=زينبْ كعبة الأحزانْ تنادي يا عديل الروحْ=وين انصارك او لعوانْ گلها والدمع يجري=كلهم أصبحوا عدوانْ أو من سمعت كلام احسينْ=هلّت فاطمة العبرة خوفي باچر ايذبحوه=ويبگى اعلى الترب عاري أو زينب تنظره امعفّرْ=أودمّه امن النحر جاري وتالي ايهاجمو خدره=مثل ما هاجمو داري ويشبو النار بخيامه=وتفر ايتامه منذعرة گِصدت خيمة العباسْ=أم الحسن بتوصّيه لنّه امجرّد البتّارْ=راعي الزود وايحاچيه يگلّه باچر ابها الگاعْ=دَين اعلينه وانأدّيه إنته ابحدّك وآنه=ابعزمي انأدّيّ النصرة نادت يبني يا عبّاسْ=يلسيفك عضيد البينْ ياللي اتهابك الفرسانْ=من تلحظها بس بالعينْ جيتك في ظلام الليلْ=أوصيك أبأخوك احسينْ خيّك عنّه لا تغفل=تراهوا حاير ابأمره