أم الـبـنـين اتــوصّـي عــبـاس الـشـفيّة         يـوليدي غـير احـسين مـا عـندي وصـيّة
عـباس ربـيتك ابـحجري اعـلى الشهامة         وغــذيـتـك ابــحــب الـنـبـوة والإمــامـة
واحـسـين عـلـمتك إلــهْ تـحـنيّ الـهامة         وحگّي تـبيّض وجـهي عـند امّـه الـزچيّة
إگعــد اگبـالـي گبـل لا تـتركني واتـروحْ         وامـسح عـلى گلبي تراه اعليك مجروحْ
يـولـيدي يـا عـبّاس إنـته الـعمر والـروحْ         يــا لـيـت گبـلـك أنـذبـح فـي الـغاضريّة
أدري بـعـد مـتـروح يـبـني لـيّـه مـتـعودْ         يــا لـيـتني ويّــاك واحـمـل عـنّك الـجودْ
چنّــي أشـوفـك عـالنهر مگطـوع لـزنودْ         مـثل الگمـر مـخسوف وادمـومك جريّة
إسـمـع كـلامـي زيــن يـا لـيث الـحريبة         والـتـفت لـحـسين او لـزيـنب هـالغريبة
والـطـفل يــا عـبـاس لـيه الـماي جـيبه         چنّــي أشـوفـه امگمّــط ابـثوب الـمنيّة
ووصـيـك يــا عـبّـاس يــا حـامل الـراية         لا تـشرب امـن الـنهر لـمّا اتخوض مايه
واذكـر أخـوك احـسين واطـفاله ظماية         وادري ابچبــدك مــن ظـمـاهاْ مـلـتظيّة
ووصـيـك يــا عـبّـاس لــو يـم الـشريعة         گطـعـوا اچفـوفـك يـبـني لـترد لـلوديعة
خـوفي عـليها اتـذوب مـن نـار الفجيعة         وادري بــعــد عـيـنـك يــودّوهـاْ سـبـيّـة
گلـهـاْ يـيـمة اوجـاه مـكسورة الـضلعينْ         حتى الشمس أطفيهاْ لو يأمرنيّ احسينْ
والـجفن مـا يـحتاج يـتوصّى على العينْ         هــذا الـعـزيز او طـاعـته واجــبْ عـليّه
وامَّــه الـوديعة اعـيوني يـا يـمّة خـدرهاْ         روحـي او دمّـي لـو تـريده تـحت امرهاْ
بــس اعـذريني لـو شـمر تـالي أسـرهاْ         چفـيـني مگطـوعـة وجـسمي عـالوطيّة