حوار الحسين (عليه السلام) و هلال المحرم للشاعر: سلمان الكرّاني الحسين (عليه السلام) يهلال المحرم ليت نورك في السما لا بان=ﭼنّه ابمولدك مكتوب ذبحي او ذبحة الشبّان ما تنظر إليّه اشلون حاير في وسط لبرور=من أرض الوطن مطرود و انا خاطري مكسور و ادري ابكربلة بيسيل دمي من يهل عاشور=أوﮔع من ظهر مهري بلمثلث على التربان الهلال يبو السجاد سامحني و انا المخضوب من دمّك=لو بيدي أغيب او لا يغيب ابكربلة نجمك خجالة ابمولدي ايذبحوك ظامي او تنفجع أمّك=أحسها في ﮔبرها اتصيح وا حزني على العطشان الحسين (عليه السلام) يهلال الحزن لتزيد همّي ابطاريّ الزهرة=و لا اتخبرها عن حالي تراها ماتت ابحسرة متتحمّل ألم و اهموم او منها اضلوع متكسرة=و اخاف امن اللطم و النوح محسن يلتفت فزعان الهلال صحيح ابكربلة يحسين ظامي اتموت يم لفرات=بعد متروح أنصارك ضحايه او تختلي الخيمات هذا اتجيبه للصيوان و ذاك ايظل على المسناة=حتى الطفل عبدالله رضيعك تذبحه العدوان الحسين (عليه السلام) آيهلال من عاشور و اللي ايصير في يومه=أنظر جاسم العرّيس متخضّب من ادمومه و امّا امصيبة الأكبر أحسها ابﮕلبي مرسومة=شبيه المصطفى ايﮕطعون جسمه ابعرصة الميدان و اذا تبغي بعد يهلال تفصيل الذي يجري=يوﮔع عالنهر عباس و انا ينكسر ظهري و اسمع زينب اتنادي الحين انهتك خدري=يحسين العمد لو طاح لازم يوﮔع الصيوان الهلال منّك يا أبو السجاد حاير و الفكر مذهول=ﮔاصد كربلة يحسين و تدري ابكربلة مقتول أو كل خوفي على زينب إذا داست عليك اخيول=بعدك بالحرم تحتار و راسك فوﮒ راس اسنان الحسين (عليه السلام) لو تنظر إليّه ابيوم عاشر من أظل وحدي=تسيل ادمومي من كل صوب و على حر الترب خدّي أنادي او ما يرحموني أنا عطشان او حﮓ جدي=بالله اسﮕوني ﮔطرة ماي ﮔلبي مشتعل نيران يهلال او أشد امصاب لمّن عالترب اوﮔع=أعالج سهم لمثلّث أو ويّاه الﮕلب يطلع أو لو تنظر على صدري شمر بالسيف يتربّع=يهبّر مني أوداجي و انا امعفّر على التربان