وداع الحسين لجده المصطفى (صلى الله عليه وآله) للشاعر: سلمان الكرّاني واگف اوگلبه امن الوجد يا حيف مفري=ينظر الگبر المصطفى والدمع يجري يا جد اناْ مطرود عنك بالغصيبة=لو بيدي چان ايكون گبري برض طيبة صعبة على المحبوب لو فارگ حبيبه=يا جد من افراگك أنا مكسور ظهري سبطك أنا اللي چنت في صدرك تضمّه=ساعة تقبّل منحره او ساعة تشمّه جارت عليّه اليوم يا مصطفى الأمة=متگوم تنظر على احسينك شاللي يجري و احنى على ﮔبره او صاح ابدمع همّاي=خذني لصدرك يا حبيبي عفت دنياي تدري يجدي ابكربلة تذبحني اعداي=يا ليت يا مختار ﮔبرك صار ﮔبري و ارتفع صوت امن الﮕبر يجذب الحسرة=يحسين فت ﮔلبي كلامك لا تكثره كلما تحاﭼيني تصيح امك الزهرة=يا ليت احط راسك يبو اليمة اعلى صدري لكن يبو السجاد سافر عن هلديارْ=واترك ارموس احبابك او تربة الأطهار لو بيدي چان اوياك أرحل يبو الأحرار=أنذبح جنبك والضبابي يحز نحري يحسين حالك لهّب النيران بحشاي=لولا الگضا ضميت جسمك يبني ويّاي مكتوب الك تنذبح وانته ظاميّ الماي=مكتوب الك من عالم الذر هاللي يجري لكن ﮔبل متروح روح الﮕبر أمّك=ودها يبو السجاد هالساعة تضمك نِسيَت يغالي اضلوعها او ذابت ابهمّك=ﮔلبي او ﮔلب امّك علي اليوم مفري نصبت عليك ابﮕبرها الزهرة عزيّة=و اتصيح فت ﮔلبي ذبيح الغاضريّة وش بيدي عاللي اتدوسه خيل الأعوجيّة=ياليت ﮔبله الأعوجيّة اتدوس صدري