وداع الحسين لأخيه الحسن (عليه السلام) للشاعر سلمان الكرّاني ﮔبل الرحيل احسين راح الﮕبر خيّه=و احنى عليه او دمعته ابخده جريّة من عاين ابعينه البقيع ارتفع نوحه=و كادت على ﮔبر العضيد اتروح روحه ﮔصده يبث اهمومه او يشكي اجروحه=تعبان ﮔلبه من أذى الدنيا الدنيّة نادى يبو محمد متنظر خيّك احسين=بعدك شديده غربتي او دمعاتي بالعين مطرود عن طيبة او حاير أتجه وين=يا ليت عد ﮔبرك توافيني المنيّة إﮔعد يبو محمد أبشكي لك الأحوال=و اهموم في ﮔلبي عشرها ايزيل لجبال عايف ادياري او طالع ابنسوان و اطفال= خوية الوطن عفته او ﮔصدي الغاضريّة تذكر يبو محمد ايام النبي المختار=للحين ما أنسى حنانه او بعدنا اصغار و اعظم سعادتنا يخوية من يجي الدار=نجلس ابحجره او نستمع منّه حﭼيّه ساعة يحب ثغرك او ساعة يحب نحري=و ادموعه من ينظر إلينه تظل تجري ﭼنه يشوف اللي علينه بعده يجري=ياهي رزايا تفطّر السبع العليّة لكن يبو محمد عليك اعتب يمسموم=مو ﭼنه آنه اوياك نتشارك ابلهموم فﮕد النبي او أمنا و بونا بحر لعلوم=حتى بسمومك عالجت روحي المنيّة ما ظنتي تنسى يخوية خيّك احسين=و تدري إلينه امجهزه يا حسن طشتين طشت اللذي ﭼبدك حواها ساعة البين=و باﮔي طشت مذخور برض الشام ليّه بيدي يبو محمد إلك فصلت لﭼفان=و جسمك يخوية ابعجل واريته التربان يا حيف بس آنه اللي جسمي ايصير ميدان=و اﮔبال زينب ينطحن بالأعوجيّة ترضى أظل مرمي ثلت ايام عاري=و من دون كل الناس أﭼفاني بواري و اتضيع أيتامي او حريمي في البراري=يبن امي و اختك تنسبي او تركب مطيّة