الزهراء مع كفي العباس (عليه السلام) للشاعر: حسن الحمراني (لطمية) ﭼف الوفا بالمشرعة طاح=و الزهرا لجله تصفﮓ الراح ظلت توِّن و الﮕلب بجراح=ᤦ#64380;ف الوفا طاح ﭼف الوفا اشسويتي بيّه بس ما نزلتي الغاضريّة بيﭻ انعمت عيني عليّه ﭼفﭻ وفا و ما وفت ليّه نمتي ابثرى نومة هنّية و آنا ابعزا و نوح و رزيّة مثل الجبل همي مينزاح=ﭼف الوفا طاح يا ﭼف ابو فاضل الغالي بعدﭺ متدري اشصار حالي من طيحتﭻ ضاعت اعيالي و اتشتت من غير والي و الوالي ظل جسمه اﮔبالي و راسه انرفع بسنان عالي و كلما مشوا به اتزفر و صاح=ﭼف الوفا طاح ﭼف النَّدى ردي جوابي و خفي عليّه من صوابي لجلﭻ يﭼف انسيت ما بي من كسرة اضلوعي ابّابي خليتي شمر ابن الضبابي يزيّد علي لوعة مصابي أهوى على ابني حسين ذبّاح=ﭼف الوفا طاح ﭼف السماحة وشعملتين عفتي اليتامى و النساوين لا يسرى ظليتي ولا ايمين فرﮔتي شمل حسين صوبين و حسين واحزني على حسين عفتينه لا غسل و تﭼفين تلعب عليه اسيوف و ارماح=ﭼف الوفا طاح ﭼف الحرايب و الحماسة بعدﭺ احسين اشكثر ﮔاسى عزمه انبهض و انفل باسه و خمدت من اجراحه انفاسه و شمر الخنا بنعاله داسه و أهوى عليه و احتز راسه و ﮔلّه عوينك ﮔوّض و راح=ﭼف الوفا طاح اتعتبين يا زهرا عليّه و تدرين مو حاصل بديّه اتعرفين هالﭼف النديّة لحسين وشﮕد هي وفيّة لو ما اﮔطعتها ﭼف اميّة ما صارت اخيامي خليّة ولا فجعها الصوت من صاح=ﭼف الوفا طاح