السهم صايب عينه لطمية للشاعر: حسن الحمراني يحسين ياوالينا=ساگي العطاشا وينه گلها انگطعت يمنته واشماله=والسهم صايب عينه گالت الحورا لخوها=وين ابو فاضل تركته شايفة ملفاك خالي=ان شا الله بس ما فگدتهچ وراجع ابروحك إلينا=چان اخويه ايّاك جبته يحسين الله الكافي اشصاير بخويه الوافي خبّرني عن عباس وعن أحواله وسهم اللي صايب عينه من مشى العباس گلبي=ما سكن للحين روعه روحي في رايته اترفرف=وعيني تتّبع اطلوعه ومن طلع عني يخويه=واني أترگّب ارجوعه متگول لي يلوالي في وين اخويه الغالي گلها يخيّة حاطته الخيّالة والسهم صايب عينه من طلع صوب الشريعة=عيني اعليه ودليلي گلت أوصّل چان أگدر=صوبه بس يصعب وصولي رفعت إيدي ادعو ربي=رد أبو فاضل كفيلي گلت الأخو يرجع لي ويشيل عني حملي لكنّه جنب النهر ما له حالة والسهم صايب عينه ليت شفتينه يزينب=حين عاينّي ابجنبه كسر ظهري من نظرته=والحزن بفّادي شبّه راسه خلّيته ابحجري=گام شال الراس وذبّه وگلّي على المسناية خلني وشيل الراية وشيال حملك يبغي ليه شيّالة والسهم صايب عينه گال لي أختي الوديعة=يلولي سلّم عليها هَيْ أمانة من أبونا=يبو اليمّة التفت ليها راح كافلها وبگى الها=حسين كافلها ووليها وان سايلتك اسكينة بو الفضل عمي وينه گول الها لا تترگّبين ازلاله والسهم صايب عينه يختي ليتچ شفتي حاله=من وگع عن ظهر مهره گطّعوا منه اچفوفه=وصار متحيّر ابأمره وبدل ميگدّم اچفوفه=للثرى استگبله ابصدره وجهه على التريبة اتعفّر اشهالمصيبة جنب الشريعة اموزّعة أوصاله والسهم صايب عينه ما سمعته يلوديعة=مرة ناداني ابإسمي وبس وگع هاليوم نادى=ادركني فل يا خويه عزمي ومن نده يا (خوي) گلبي=انسر ودمعي صار يهمي يحسين يا دلاّلي يا خويه عاين حالي اظلالك تراهو انگشع عنّه اظلاله والسهم صايب عينه واعظم اعليّ من عينه=السهم من حاولت أجره قال الي خلّه ابعيني=حتى راسك ما أنظره عالي فوق اسنان عالي=والجسد مرضوض صدره خل السهم لتجره لا شوفك اعلى الغبرا وصدرك يدوس اعليه شمر بنعاله وتتحير المحزونة