يــفــرات لاتـجـفـيـنه يــفــرات لاتـجـفـيـنه         فـيـضـك غـزيـر وجــاري يـفـرات لاتـجـفينه
بــاچر بـنـنزل يـمـك والـعـطش يـنزل يـمنه         وتـمنع عـلينا مـايك هـاللي انسكب من يمنه
تقذف امواجك يسرى ونقذف امواجك يمنه         واحـنـا ابـعـطش نـتـلظى ويـانـهر لاتـجفينه
نـطـلب نـداك وشـطك حـرم عـلينا انـذوگه         ومـايك لـكل من يسگي وتنبض إليه عروگه
يـانهر بـروي اصـغاري من دمعتي المدفوگة         ولاريــد مـنـك شـربـه مــن بـعـد مـاتجفينه
گال الـنهر مـو بـيدي مـاتشرب امـن ازلالي         واخـجلتي مـن شـفتك تـطلب الماي اگبالي
تـمـنيت جـفت عـيني وزالـت وگوض حـالي         ولاسال نبعي الجاري وفي الحال غار امعينه
أدري أنــا مــن تـنـزل يـعيش ربـيع الـوادي         ويـفوض ماي فراتي وگلبك على الما صادي
مــولاي بــس لااتـعـاين لـعتاب فـت افـادي         لـــتگول يــابـو الـيـمـه : يـانـهـر لاتـجـفـينه