الجسم ناما للشاعر: نادر التتان الجسم ناما .. والقلب هاما=لكي يروي الضمايا .. في ركب الاياما والرأس بالجرح .. قد شعا كالصبح=يرعى اليتامى والهفي .. من ذروة الرمح من طاح ابواسكينه ومن غمضت عينه=أتخيل اشصار وخيالي ايظل جريح عالغبره بجروحه من ينتزع روحه=چاوينه عزرائيل ايخلصه ويستريح جنه اعتذر منه وشال بعجل عنه=مايقدر ايشوفه على الرمضه طريح إتصور الحاله لانبضه لا أنفاس راسه برمح عالي وجسمه العفير انداس من شدة الحيره ومن فزعة الإحساس ظلت ترف الروح بين الجسد والراس إذا تقدر في هاللحظه .. تخيل روحه محتاره محد يتجرا ياخذها .. أو ربك يعلم أسراره تشيل وللسما تصعد .. لو اتظل تنفض اغباره لو اتسافر مثل زينب .. تصون ايتامه واصغاره تسقي الظمايا .. تحمي السبايا الجسم ناما .. والقلب هاما=لكي يروي الضمايا .. في ركب الاياما والرأس بالجرح .. قد شعا كالصبح=يرعى اليتامى والهفي .. من ذروة الرمح يوم ارتفع راسه ظل ياخذ انفاسه=واللي مشو من حوله ظلو يسمعون ماغيَّره المقتل من عالرمح رتل=(هذا الذي كنتم به تستعجلون) كلمن حضر يسمع من دمَّه والمدمع=(سبحانَ ربِّ العرش ِعمَّا يصفون) شل خلى هالآيات .. بشفاته منثوره لوما خلود الروح .. والآيه مذكوره شل خلى من عينه .. يظهر أثر نوره وامن الرمح يقرأ .. سوره عقب سوره لأن روحه ماغابت .. قت تتفقد الأيتام بقت تجري اوي كل .. دمعه بقت تتخلل الآلام مشت للكوفه وياهم .. مشت وي الظعن للشام رغم ترك الجسد عاري .. من احسين الجفن مانام يهدي الحيارى .. يفدي الأسارى الجسم ناما .. والقلب هاما=لكي يروي الضمايا .. في ركب الاياما والرأس بالجرح .. قد شعا كالصبح=يرعى اليتامى والهفي .. من ذروة الرمح قرآن وآياته جملة كراماته=من قطعته لرجوعه من بعد الغياب من مدمعه اللاهب في منزل الراهب=لدمومه وهو اعلى الطشت مثل الكتاب مابطل اعجازه وما بطلت احرازه=وادموعه من عينه تهل مثل السحاب لوما يحس الراس .. لو ماعظم شانه مالوعوه بسوط .. وانكسرت اسنانه لو ماحنان الروح .. مابارى نسوانه لكن شعوره اوياه .. والطفله برهانه لأنه ينظر الها بعين .. أحاسيسه اللي ماتغفى رقيه شافته أوسع .. حضن ياخذها بالرأفه بقت تبچي على راسه .. وتحس بطيبته وعطفه واخذها بالعجل عنده .. أخذها ميته في صفه يأوي الصغيرة .. ينهي الكسيره الجسم ناما .. والقلب هاما=لكي يروي الضمايا .. في ركب الاياما والرأس بالجرح .. قد شعا كالصبح=يرعى اليتامى والهفي .. من ذروة الرمح